Oman stel Eagles voor nuwe uitdaging

Die Richelieu Eagles begin vandag hul aanslag op die driehoekige mini-toernooi in die ICC Wêreldbeker Liga Twee-reeks (2024-2027) in Dundee, Skotland.Twee internasionale eendag-ontmoetings elk teen die gasheerspan en Oman is in die vooruitsig, met Oman vandag eerste aan die beurt.Op die reeks se algehele puntelys van sewe lande is Namibië tans tweede ná Kanada en vier wedstryde is, sal vandag by Dundee teen Oman op die veld stap. Skotland is komende Saterdag volgende aan die beurt en dan weer op 26 Julie. Al drie spanne het pas van die afgelope T20-Wêreldbeker teruggekeer, waar hulle saam gegroepeer was. Die Eagles het Oman ná ‘n gelykoptelling in ‘n superboulbeurt danksy David Wiese verslaan, maar kon op hul beurt nie die Skotte se versnelling met die kolf afweer nie.Die Skotte kon hulself werklik ongelukkig ag om nie die kwarteindronde van die T20-Wêreldbeker te kon haal nie.In Skotland se eerste eendagwedstryd Maandag teen Oman was hul kolwers weer uitmuntend op dreef, hoewel die krieketgode nie aan hul kant was nie. Die gasheer het wel Oman vir 123 in 38 boulbeurte uitgeboul, maar Skotland se momentum is ná 12.2 boulbeurte gestuit toe die wedstryd uitgereën het. Op 99 vir die verlies van net twee paaltjies, was die gasheerspan op koers om die uitslag binne net nog drie boulbeurte (teen hul koers van agt per boulbeurt in daardie stadium) te beklink.George Munsey (47 van 34 balle, ses viere, een ses) het die gasheerspan met mening op die aanval geplaas, ná die goeie boulwerk deur Jasper Davidson (4/23 in 8 bb) en sy medewerkers.MededingingOman ondervind nogal die wind van voor in onlangse tye. ‘n Positiewe uitslag in hul eerste wedstryd van die Wêreldbeker Liga Twee-reeks kon die span die wêreld se goed gedoen het.Die Midde-Oosterse span sal nietemin verlig voel dat twee dorings in hul vlees hierdie toer misloop. David Wiese het uit die internasionale spel getree en die linkerarm-snelbouler Ruben Trumpelmann, wat hulle in Bridgetown met twee paaltjies in sy eerste boulbeurt en 4/21 geteister het, tuis moes bly met 'n kniebesering.Namibië se onlangse reeksloesing (4-1) teen ‘n sterk Punjab-toerspan van Indië in Windhoek het hopelik bygedra om die oorskakeling vanaf T20- tot die eendagspel te vergemaklik. Die Eagles het 42 persent van hul kragmetings teen Oman gewen wanneer hulle eerste gekolf het, met 39 persent sukses wanneer hulle eerste geboul het.Oman kon slegs drie persent van sy ontmoetings teen Namibië wen wanneer hulle eerste gekolf het en 16 persent in tweede kolfbeurte. – tielman@nmh-hub.com.na

Oman stel Eagles voor nuwe uitdaging

Kommentaar

Republikein 2026-08-12

Meld asseblief aan om kommentaar te lewer

Oman stel Eagles voor nuwe uitdaging

Kommentaar

Republikein 2026-08-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.