Nuwe uitdaging trots oorbrug

Quinton Liebenberg en Keren Robyn Till het onlangs met groot sukses aan die Union Internationale Motonautique (UIM) se P750 Opblaasboot wêreldkampioenskap by Nelson Mandela-baai in Gqeberha, Oos-Kaap, deelgeneem.Dit is die eerste keer in 14 jaar dat Namibiërs aan die opwindende wêreldkampioenskap deelneem. Boonop het die duo in die gemodifiseerde klas hul staal getoon en algeheel elfde van 34 internasionale spanne geëindig. Afgesien van Namibië het spanne van die gasheerland, asook Italië, Duitsland en Nederland deelgeneem.Die weeklange kompetisie het uit drie afdelings bestaan om die mededingers se vernuf tot die uiterste te toets. Die dambaan het vir ’n regte voluit resies op plat water gesorg, terwyl die branderbaan op die oop see vanself spreek.Die langafstandbaan oor 120 kilometer het sy eie uitdagings aan die jaers met verskillende seetoestande gebied. Liebenberg en Till se span in hul rooi opblaasboot was met trots deur die Lighthouse Group geborg.As dit nie vir teëspoed tydens die damresies by North End Lake was nie, was hulle beslis op koers om onder die eerste agt spanne te eindig. ’n Nukkerige enjin tydens die damresies het hulle twee keer tot stilstand gebring en ’n ongeluk het gesorg dat hulle geen punte in die afdeling kon bewerkstellig nie.BRANDER-AFDELINGOm deur die branders by Kings Beach te jaag en te bokspring, is nie vir sissies nie. Die branders moet reg gelees en benader word en natuurlik moet die bestuurder se medejaer sy storie ken.Daar het die Namibiërs ’n tweede plek, twee vierde plekke en ’n vyfde plek behaal. In een van die renne was hulle tot met die voor laaste ronde eerste geplaas, maar woeste branders het die Lighthouse Group-span na die vierde plek laat afskuif.Die langafstandresies oor 120 km het vir sy eie drama gesorg. Die gebrek aan ondervinding, ’n verkeerde skroefkeuse (propeller) en die opstel van die boot was nie gunstig vir Liebenberg en Till nie. Nogtans het die twee uiters kompeterend gejaag en onder die eerste 15 deelnemers klaargemaak.In die nadraai van hul vertoning is die Namibiërs terug met mening en groot planne vir die toekoms is in die pyplyn. Groot borge is reeds besig met unieke planne om die sport op internasional vlak te bevorder, soos om om die moontlikheid te ondersoek om oor twee jaar die Wêreldkampioenskap in Namibië aan te bied. Daar word gestreef om dan met minstens ses plaaslike spanne die land se vlag te laat wapper. Vir meer inligting om by die opwindende en kykervriendelike sport betrokke te raak, kan Leon Smith by 081 127 9427 geskakel word. – tielman@republikein.com.na

Nuwe uitdaging trots oorbrug

Kommentaar

Republikein 2026-07-09

Meld asseblief aan om kommentaar te lewer

Nuwe uitdaging trots oorbrug

Kommentaar

Republikein 2026-07-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.