Nasionale eindstryde wink vir laerskoolrugby

Beide DHL Suiderhof Primêre Skool se o.12- en o.13-spanne het hul onderskeie NSSU nasionale rugbyliga-halfeindstryde gewen en het deurgedring na die nasionale eindstryde wat komende Saterdag by die FNB Windhoek Hoërskool Vegkop-stadion voorlê.Die vasberade DHL Suiderhof o.12-span het St. Joseph Primêre Skool in hul halfeindstryd teëgekom en het ’n oortuigende oorwinning met 26-7 behaal (rustyd 7-0).Die DHL Suiderhof o.13-span het ’n heelwat moeiliker stryd oorleef. Nadat die seuns die eerste helfte teen Walvisbaai Privaatskool oorheers het (28-5), moes hulle ’n geweldige aanslag in die tweede helfte trotseer. Die Walvisbaai-span het sterk teruggeveg en hulself weer in die wedloop bevind, maar die blou span het kalm gebly en ’n opwindende oorwinning met 35-32 verseker.Vir die o.12-span van Suiderhof is deelname aan ’n nasionale finaal niks nuuts nie. Die groepie het verlede jaar in die NSSU nasionale o.11B-finaal gespeel en het teen Windhoek Affies gewen.Die o.12-span het ’n fenomenale veldtog in die Khomas-streek beleef en het net een van hul ses wedstryde verloor, teen van die sterkste teenstanders in die land (Windhoek Gimnasium).Hul streekveldtog is gevolg deur opeenvolgende oorwinnings in die nasionale liga se kwarteindstryd (52-5 teen Ruimte Primêre Skool), voor laas naweek se sukses in die halfeindstryd teen St. Joseph. Van teleurstelling na die finaalMaar die ware opkoms van die feniks-verhaal behoort aan die o.13-span.Verlede jaar, op o.12-vlak, het dié seuns nie vir die nasionale liga-uitklopfase gekwalifiseer nie. ’n Jaar later staan hulle op die vooraand van die NSSU nasionale o.13 reserweligafinaal.Die merkwaardige ommekeer is ’n bewys van die groei, ontwikkeling, toewyding en veerkragtigheid van die Suiderhof-rugbyprogram onder leiding van hoofafrigter Wessel Witbooi.Die o.13-span – gemotiveerd ná verlede jaar se teleurstelling om nie vir die nasionale uitspeelrondtes te kwalifiseer nie – was indrukwekkend in die Khomasstreek en het vier van hul ses wedstryde gewen. Suiderhof het sy kwarteindstryd met 29-5 teen Rehoboth Primêre Skool gewen, voordat hulle Walvisbaai Privaatskool in die semifinaal met 35-32 oorkom het. Hul finale uitdaging wag nou teen Pionierspark Primêre Skool.Suiderhof koester nou die ambisieuse droom om met twee spanne die nasionale eerbewyse te beklink, wat ’n historiese prestasie vir die skool se rugby sal wees. Hoewel beserings en siektes die groep gedurende die veldtog getoets het, bly afrigter Witbooi vol vertroue dat sy spanne het wat nodig is. UITSLAE van laas naweek se semifinale by FNB WHS Vegkop-stadionO.11B-liga, Walvisbaai Gimnasium klop Rehoboth Primêre Skool 32-17 (ses drieë teen drie).O.11B-liga, Parkies klop Francis Galton Primêr 24-5 (vier drieë teen een).O.11A-liga, Windhoek Gimnasium klop Pro-Ed 36-5 (vyf drieë teen een).O.11A-liga, Windhoek Affies klop Laerskool Walvisbaai 17-5 (twee drieë teen een).O.12-liga, Windhoek Gimnasium klop Parkies 24-12 (vier drieë teen twee).O.12-liga, Suiderhof klop St. Joseph’s Primêr 26-7 (vier drieë teen een).O.13 Reserweliga, Suiderhof klop Walvisbaai Privaatskool 35-32 (vyf drieë teen ses).O.13 Reserweliga, Parkies klop JTL Beukes 41-12 (sewe teen twee).O.13 Superliga, Windhoek Affies klop St. Joseph’s Primêr 59-5 (tien drieë teen een).O.13 Superliga, Windhoek Gimnasium klop Laerskool Walvisbaai 54-0 (agt drieë teen nul). BEPALINGS vir komende Saterdag se eindstryde by FNB WHS Vegkop-stadionO.11B-ligafinaal: Walvisbaai Gimnasium tn Parkies, 08:00– 08:50.O.13 reserweligafinaal: Suiderhof tn Parkies, 08:50–10:00.O.11A-ligafinaal: Windhoek Gimnasium tn Windhoek Affies, 10:00–10:50.O.12A-ligafinaal: Windhoek Gimnasium tn Suiderhof, 11:00–12:00.O.13 Superligafinaal: Windhoek Gimnasium tn Windhoek Affies, 12:00–13:00.

Nasionale eindstryde wink vir laerskoolrugby

Kommentaar

Republikein 2026-08-12

Meld asseblief aan om kommentaar te lewer

Nasionale eindstryde wink vir laerskoolrugby

Kommentaar

Republikein 2026-08-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.