Drie Afrika-medaljes by Cascades-baan verower

Namibiese ryers het gister drie medaljes by die Afrika-bergfietskampioenskap se Olimpiese veldresies by Mascades MTB Park in Pietermaritzburg behaal.Hoewel Roger Surén en Delsia Janse van Vuuren (beide as juniors, o.18) nie soos verlede jaar hul gouemedalje-vertonings by die kontinentale kampioenskap in Marokko kon herhaal nie, het beide wel weer op die podium klaargemaak.Surén het agterna aangedui hy het die energie in sy bene eers tydens die derde van die vyf baanrondtes voel deurkom, maar teen daardie tyd was Suid-Afrika se Samuel Cleary reeds te ver voor om ingehaal te word. Cleary (1 uur 09 minute 23 sekondes) het die bordjies verhang nadat die Namibiër (1:10:00) hom twee dae tevore op dieselfde baan in ‘n SA Beker-byeenkoms net-net geklop het.Sean Lowe (1:10:50) het in die spore van sy bekender ouboet Kevin Lowe gevolg deur op kontinentale vlak met die bronsmedalje in die junior mansresies ná Cleary en Surén deur te breek.Janse van Vuuren moes ook oor vier rondtes die pap dik aanmaak om by die Suid-Afrikaanse voorlopers Nadia van Wyk, die nuwe kampioen in 1:11:27, en Lu-Mari du Plessis (1:12:18) te bly. In 1:14:32 het sy die laaste podiumplek voor Jodi Mackinnon (RSA, 1:15:07) en Namibië se Rosemarie Thiel (vyfde in 1:15:58) weggeraap.In die elite mansresies het Hugo Hahn sy terugkeer tot groot kompetisies met ‘n sesde plek in die Afrika-resies gemaak.&bull; Vandag in Pietermaritzburg sal die Afrika-marathonkampioenskap aangebied word met Theuns van der Westhuizen, Vera Looser, Anri Greeff en Monique du Plessis as die Namibiese inskrywings.

Drie Afrika-medaljes by Cascades-baan verower

Kommentaar

Republikein 2025-06-18

Meld asseblief aan om kommentaar te lewer

Drie Afrika-medaljes by Cascades-baan verower

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie