Alle paaie lei na die kus vir kortpadswemmers

Die Namibiese Watersportfederasie (Nasfed) se jaarlikse Bank Windhoek nasionale ope kortbadswemkampioenskap (lengte 25 meter) begin vandag vanaf 14:00 by die Cube-swembad in Swakopmund en duur tot Sondag.Die ouderdomsgroepe vir juniors is agt jaar en jonger, nege tot tien jaar, elf tot twaalf en 13 tot 14. Die seniors is van 15 tot 16 jaar, 17 tot 18 asook 19 jaar en ouer. Swemmers kwalifiseer as meesters wanneer hulle 25 of ouer is.Die individuele items is borsslag, rugslag, vlinderslag, vryslag en wisselslag. Die afstande wissel van 50, 100, 200, 400, 800 en 1 500 meter. Die volgende items vereis kwalifiserende tye om in te skryf:1 500-vryslag: meisies (22 minute 36.73 sekondes), seuns (21:05.07). 800-vryslag: meisies (11:53.17), seuns (11:02.38). 400-vryslag: meisies (5:45.51), seuns (5:17.05). 400-individuele wisselslag: meisies (6:26.80), seuns (5:50.76). 200-vlinderslag: meisies (2:58.67), seuns (2:39.61). Swemmers verdien punte vir posisies behaal. Eerste plek elf punte, tweede plek nege, derde plek sewe, vierde plek vyf, vyfde plek vier, sesde plek drie, sewende plek twee en agtste plek een punt. Deur ‘n Namibiese of Nasfed-rekord te oortref, sal 25 ekstra punte aan ‘n swemmer vir junior en senior victor en victrix ludorums toegeken word. Senior victor en victrix ludorum-punte word bereken op grond van die som van die hoogste swempunte behaal in die beste ses individuele standaarditems geswem. Dit is ongeag die ouderdom van die swemmer. Junior swemmers kom ook in aanmerking om ‘n senior ludorum te wen.Die topdrie posisies in elke ouderdomsgroep sal medaljes ontvang.Die amptelike opening van die kompetisie is Saterdagoggend agtuur by die Cube-swembad. – tielman@nsh.com.na

Alle paaie lei na die kus vir kortpadswemmers

Kommentaar

Republikein 2025-09-16

Meld asseblief aan om kommentaar te lewer

Alle paaie lei na die kus vir kortpadswemmers

Kommentaar

Republikein 2025-09-16

Meld asseblief aan om kommentaar te lewer

MELD AAN

Advertensie