Zimbabwiër seëvier in Durban-marathon

Die Zimbabwiër Isaac Mpofu (Nedbank) het gisteroggend die Durban-stadsmarathon – wat ook gedien het as die Suid-Afrikaanse marathonkampioenskap –met ’n tyd van 2 uur, 10 minute 24 sekondes gewen.Noordwes se Tumelo Motlagale (2:11:15), ’n voormalige baanatleet en seun van die voormalige Springbok-veldloopatleet Adam Motlagale, ’n voormalige Afrika-marathonkampioen, was tweede.Omdat Tumelo Motlagale die eerste Suid-Afrikaner oor die eindstreep buite die Moses Mabhida-stadion was, het hy die SA titel gebuit.“Ek dink my pa spring nou op en af van opgewondenheid,” het die 35-jarige Motlagale (vorige beste tyd: 2:12:40) ná die wedloop aan SuperSport gesê.Adam Motlagale, wat agtste in die wêreld-halfmarathonkampioenskap (1993) was, is sy seun se afrigter.Mpofu en Motlagale het met hul goeie vertonings in ideale hardloopweer op ’n plat en vinnige roete gekwalifiseer vir die marathon op vanjaar se Wêreld-atletiekkampioenskap in Eugene, in die Amerikaanse deelstaat Oregon, sowel as vir volgende jaar se wêreldkampioenskap in Boedapest, Hongarye.Adam Motlagale (nou 61) het Suid-Afrika in 1997 by die Wêreldkampioenskap in Athene, Griekeland, in die marathon verteenwoordig en in 1993 op die Wêreldbeker-byeenkoms in San Sebastian, Spanje.Dit het Sondagoggend aanvanklik liggies gereën en daar was ’n seebries toe die voorlopers, wat in ’n haastige 64:55 deur Mpofu verby die halfpadkerf gelei is, langs die Durbanse strandfront in die rigting van die Virginia-lughawe gehardloop het.In daardie stadium was die aanduidings nog dat die wentyd in die omgewing van 2:08 sou wees.Motlagale het voor gehardloop toe hulle by die Virginia-lughawe omgedraai het vir die laaste sowat 5 km na die eindpunt.Oor dié laaste 5 km het Mpofu – wat verlede jaar in die Kaapstad-marathon die kwalifiseringsmaatstaf vir die wêreldkampioenskap met 11 sekondes misgeloop het – met ’n sterk eindpoging vorendag gekom en Motlagale verbygesteek.Weens die onlangse verwoestende vloede in Durban en omgewing moes die roete effens aangepas word. Dié verstellings het die roete vinniger gemaak.Lesotho se Tsepo Ramashoemole was derde in 2:12:57.Die Keniaan Shelmith Nyawira Muriuki, wat met die Paasnaweek vierde in die Twee Oseane-wedloop (56 km) was, was die eerste vrou oor die eindstreep.Muriuki, wat vroeër vanjaar die naaswenner in die Runified Breaking Barriers 50 km-wedloop in Gqeberha was, se wentyd was 2:37:54.Ethiopië se Gete Guta Galato was tweede in 2:41:00, met Suid-Afrika se Janet Mbhele en Stella Marais (Gauteng-Noord) onderskeidelik derde en vierde in 2:43:07 en 2:46:30.– Netwerk24

Zimbabwiër seëvier in Durban-marathon

Kommentaar

Republikein 2026-03-24

Meld asseblief aan om kommentaar te lewer

Zimbabwiër seëvier in Durban-marathon

Kommentaar

Republikein 2026-03-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.