Welwitschias kyk net na ouer Eloff-broer

WP Eloff – nie sy jonger broer Cabous nie – is een van die stutte wat tans saam met die Namibiese Welwitschias-oefengroep op die komende Curriebeker eersteliga voorberei.Die twee broers is nie so maklik om van mekaar te onderskei nie, wat aanleiding gegee het tot die foutiewe verwysing in gister se koerant dat Cabous tans die een in die prentjie is om dalk vir Namibië diens te doen.Die 24-jarige Cabous, wat sedert 2020 in Superrugby vir die Melbourne Rebels speel, is daarop ingestel om vir die Australiese Wallabies te kwalifiseer en het geen voornemens om Namibië te verteenwoordig nie.Hierteenoor is WP (28) se plan om weer ’n ernstige terugkeer tot die rugbyveld te maak en voor die einde van Januarie sal hy ook sy Namibiese paspoort hê. Die Eloff-broers, beide gebore in Suid-Afrika, is met ’n Namibiese susterpaar getroud.WP se rugbyloopbaan het o.18 Cravenweek-deelname vir die Blou Bulle ingesluit (met die latere Springbokke R.G. Snyman en Ivan van Zyl as spanmaats).Vanaf o.19-vlak het by die Vrystaat gaan speel en was nog onder 21, toe hy in 2016 die kans aangegryp het om vir Racing Metro, een van die grootste klubs in Frankryk, te gaan speel.“Ek het egter met ’n besering in Frankryk aangekom en het kort daarna besluit om my rugbystewels op te hang. Dit was ook deels vanweë my verlowing en omdat ek bietjie uitgekuier met die werking van beroepsrugby was. Ek het na my skoonfamilie in die suide van Namibië verhuis en ook hier besighede begin.“Nadat ek met Rohan Kitshoff (wat pas as lid van die afrigterspan van die Welwitschias bevestig is) in gesprek was, het ek ’n geleentheid gesien om weer my rugby aan die gang te kry.”Eloff sê feitlik al sy rugby sedert sy matriekjaar by Affies in Pretoria was as ’n vaskopstut en dat dit klaarblyklik ook in die 3-trui is waar hy vir die Namibiese oefengroep oorweeg behoort te word.Die Curriebeker eersteliga skop op 25 Maart af en die Namibiërs sal sewe tuiswedstryde en drie wegwedstryde hê.

Welwitschias kyk net na ouer Eloff-broer

Kommentaar

Republikein 2025-05-02

Meld asseblief aan om kommentaar te lewer

Welwitschias kyk net na ouer Eloff-broer

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie