Wedstryd in weegskaal toe reën laaste lag
Krieket
Die onbesliste uitslag teen die VSA was nie vir enige van die twee spanne werklik bevredigend nie.
Reënerige weer in Pretoria het tot dusver ingemeng met elkeen van die Namibiese span se drie opwarmwedstryde in die opbou na die ICC onder-19 Wêreldbekertoernooi.
Ná een nederlaag en een oorwinning in die twee ontmoetings teen Skotland, beide op grond van die Duckworth-Lewis-Stern formule, is Saterdag se opwarmwedstryd teen die VSA tot die teleurstelling van beide spanne ook voortydig deur reën beëindig sonder dat ’n uitslag bepaal kon word.
Afrigter Oscar Nauhaus en sy Walvis Bay Salt Eagles het afgesien van netoefeninge nog een geleentheid vir ’n opwarmwedstryd wanneer hulle môre in Pretoria teen Ierland opgeweeg word.
Die Namibiërs sal hierna na Kimberley vertrek waar hul Wêreldbeker Groep C-wedstryde teen Australië, Sri Lanka en Zimbabwe en 22, 24 en 27 Januarie voorlê.
Afgelope Saterdag is die Amerikaners se kolfbeurt van 50 boulbeurte wel afgehandel nadat Namibië se Alexander Volschenk die loot gewen en hulle eerste ingestuur het, met die VSA se totaal wat tot ’n skaflike 268 vir sewe geklim het (5.36 per boulbeurt).
Zacheo van Vuuren se regterarm naatboulwerk het hom drie paaltjies vir 50 in sewe boulbeurte besorg. Die linkerarm-draaibouler PD Blignaut was ekonomies met 2/28 in tien boulbeurte (een leeg), terwyl die mediumsnelboulers Jack Brassell (1/52 in 9, een leeg) en Woutie Niehaus (1/23 in 3) ook paaltjies opgetel het.
Junior Kariata (0/25 in 5), Hansie de Villiers (0/34 in 7), Gerhard Janse van Rensburg (0/43 in 7) en Henry van Wyk (0/11 in 2) het ook kans gekry om hul potensiële bydrae tot die boulopsies te verfyn.
Vir die VSA was nommer drie Siddarth Kappa die steunpilaar en doring in Namibiese vlees met 129 nie uit nie van 149 balle (vyf viere, vier sesse), nadat hy in die tweede boulbeurt op 17/1 ingestap het.
Die Namibiërs het in hul kolfbeurt teen ’n goeie tempo weggespring en het wel vir Hansie de Villiers verloor (23 van 30 balle, drie viere) met die spantotaal op 44/1 ná 8.1 boulbeurte.
Sy aanvangsvennoot Gerhard Janse van Rensburg (39 nie uit nie van 36 balle, 3x4 1x6) en nommer drie JW Visagie (7 nie uit nie van 12 balle, 1x4) het die telling tot 78/1 ná 12.5 boulbeurte gevoer voordat ’n reënbui die wedstryd beëindig en ’n onbesliste uitslag afgedwing het. Minstens 20 boulbeurte vir die span wat tweede kolf, is gewoonlik in eendagkrieket nodig alvorens ’n bepalende uitslag volgens die DLS-formule moontlik is in geval van ’n voortydige einde.
Met potensiële kolfbeurte van Zacheo van Vuuren, Alexander Volschenk, Ryan Moffett en Jack Brassell was die Namibiese vol vertroue dat hulle die teiken sou kon haal en die wedstryd sou gewen het as die reën nie tussenbeide getree het nie.
• Profiele van die Namibiese o.19-span, binne in Sport Wrap.
Ná een nederlaag en een oorwinning in die twee ontmoetings teen Skotland, beide op grond van die Duckworth-Lewis-Stern formule, is Saterdag se opwarmwedstryd teen die VSA tot die teleurstelling van beide spanne ook voortydig deur reën beëindig sonder dat ’n uitslag bepaal kon word.
Afrigter Oscar Nauhaus en sy Walvis Bay Salt Eagles het afgesien van netoefeninge nog een geleentheid vir ’n opwarmwedstryd wanneer hulle môre in Pretoria teen Ierland opgeweeg word.
Die Namibiërs sal hierna na Kimberley vertrek waar hul Wêreldbeker Groep C-wedstryde teen Australië, Sri Lanka en Zimbabwe en 22, 24 en 27 Januarie voorlê.
Afgelope Saterdag is die Amerikaners se kolfbeurt van 50 boulbeurte wel afgehandel nadat Namibië se Alexander Volschenk die loot gewen en hulle eerste ingestuur het, met die VSA se totaal wat tot ’n skaflike 268 vir sewe geklim het (5.36 per boulbeurt).
Zacheo van Vuuren se regterarm naatboulwerk het hom drie paaltjies vir 50 in sewe boulbeurte besorg. Die linkerarm-draaibouler PD Blignaut was ekonomies met 2/28 in tien boulbeurte (een leeg), terwyl die mediumsnelboulers Jack Brassell (1/52 in 9, een leeg) en Woutie Niehaus (1/23 in 3) ook paaltjies opgetel het.
Junior Kariata (0/25 in 5), Hansie de Villiers (0/34 in 7), Gerhard Janse van Rensburg (0/43 in 7) en Henry van Wyk (0/11 in 2) het ook kans gekry om hul potensiële bydrae tot die boulopsies te verfyn.
Vir die VSA was nommer drie Siddarth Kappa die steunpilaar en doring in Namibiese vlees met 129 nie uit nie van 149 balle (vyf viere, vier sesse), nadat hy in die tweede boulbeurt op 17/1 ingestap het.
Die Namibiërs het in hul kolfbeurt teen ’n goeie tempo weggespring en het wel vir Hansie de Villiers verloor (23 van 30 balle, drie viere) met die spantotaal op 44/1 ná 8.1 boulbeurte.
Sy aanvangsvennoot Gerhard Janse van Rensburg (39 nie uit nie van 36 balle, 3x4 1x6) en nommer drie JW Visagie (7 nie uit nie van 12 balle, 1x4) het die telling tot 78/1 ná 12.5 boulbeurte gevoer voordat ’n reënbui die wedstryd beëindig en ’n onbesliste uitslag afgedwing het. Minstens 20 boulbeurte vir die span wat tweede kolf, is gewoonlik in eendagkrieket nodig alvorens ’n bepalende uitslag volgens die DLS-formule moontlik is in geval van ’n voortydige einde.
Met potensiële kolfbeurte van Zacheo van Vuuren, Alexander Volschenk, Ryan Moffett en Jack Brassell was die Namibiese vol vertroue dat hulle die teiken sou kon haal en die wedstryd sou gewen het as die reën nie tussenbeide getree het nie.
• Profiele van die Namibiese o.19-span, binne in Sport Wrap.
Kommentaar
Republikein
Geen kommentaar is op hierdie artikel gelaat nie