Vuisballiga skop by SKW af

Die Bank Windhoek-vuisballiga se eerste ronde vind komende Saterdag by die Sportklub Windhoek se velde (SKW) plaas. Altesaam nege senior en ses junior spanne (tussen 13 en 16 jaar) sal die komende naweek aan die kompetisie deelneem.Benewens die heersende kampioen, Cohen-vuisbalklub se eerste span, is SKW 1 ook ’n gunsteling vir die komende seisoen in die A-afdeling. Cohen 2 en Swakopmund-vuisbalklub (SFC 1) is egter spanne wat hierdie seisoen vir die titel kan opdaag.Helmo Minz, skakelbeampte van die Namibiese Vuisbalvereniging, het gesê: “Ons kan ’n paar verrassings verwag. SFC 2 het hom as die topspan in die B-afdeling gevestig. Met sewe oorwinnings in liga- en bekertoernooie oor die afgelope ses jaar, is die span van die kus die gunsteling vir die kampioenskap.“In die groepfase word twee stelle tot 11 punte gespeel. Elke stel tel een punt. Ná die voorlopige ronde ontmoet die twee bes geplaaste spanne in elke groep in ’n halfeindstryd. Dieselfde geld vir die derde en vierde geplaaste spanne.” Cohen 1, Cohen 2, SFC 2, SKW 2 en SKW 4 sal teen mekaar in groep A speel terwyl groep B tussen SKW 1, SFC 1, Cohen 3 en SKW 3 uitgespook sal word.Twee onder 16-spanne van SKW en een van SFC sal mekaar in ’n rondomtaliekompetsie pak. Dié kompetisie sal in die beste uit vyf stelle beslis word.

Vuisballiga skop by SKW af

Kommentaar

Republikein 2025-11-05

Meld asseblief aan om kommentaar te lewer

Vuisballiga skop by SKW af

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.