Vuisbal beloof opwinding in Olympia

Die Bank Windhoek-vuisballiga se tweede ronde word môre by die Cohen-vuisbalklub in Windhoek aangebied.

Met die afslaan om 08:00 sal Cohen 1 probeer om sy voorsprong teen sy mededingers te vergroot. Sport Klub Windhoek (SKW) sal ná sy vyfde plek tydens die eerste ronde noodsaaklike punte moet insamel om in die A-kampioenskap se wedloop te bly.

In groep A sal Cohen 1, SFC 1, Swakopmund-vuisbalklub (SFC 1) en SKW 2 sake uitspook. Toeskouers kan uitsien na opwindende botsings in dié groep.

Cohen se eerstespankaptein, André Meng, sê hulle wil nog ’n opskudding teen SKW veroorsaak. Die reserwespan van SKW kan in hierdie moeilike eerste ronde sukkel om teen die topspanne by te hou.

SKW 3, Cohen 2, SFC 2 en Cohen 3 sal in groep B deelneem. SKW 3, wat tans in die tweede plek op die ligatabel is, word as ’n gunsteling beskou om opnuut te oorheers. Cohen 2 sal egter sy tuisveldvoordeel wil gebruik om na die semifinaal deur te dring.

In die halfeindstryd sal die wenner van groep A sal teen die naaswenner van groep B te staan en die wenner van groep B teen die naaswenner van groep A. Die groepe se derde en vierde geplaasde spanne sal ook oorkruis uitspeel.

• Die Bank Windhoek Vuisballiga beloof ook opwindende wedstryde in die onder 16-afdeling. Twee spanne van SFC en nog twee spanne van SKW sal om spogregte meeding. SKW A is tans in die eerste plek, gevolg deur SFC A. Drie onder 13-SKW-spanne en een van die kus het vir die tweedeligatoernooi ingeskryf.