Voorlaaste rondte beloof warm mededinging

Die sewende en voorlaaste ronde van die Namibiese Enduro-kampioenskap sal môre in die koppe by Elisenheim noord van die hoofstad aangebied word.In di stadium van die kampioenskap is sommige ryers reeds van hul titels verseker. In die Ope pro-klas kan Quinton van Rooyen nie meer ingehaal word nie. Hy het vanjaar elkeen van die ses rondes beklink – die enigste ryer wat dit kon vermag.Die tweede en derde posisie kan egter nog deur enige een van Henner Rusch, Keanu Weber-Trianus, Stuart Pearce en selfs Oliver Rohrmüller opgeraap word.In die Senior pro-klas is Heiko Stranghöner die voorloper, maar hy sal op die uitkyk vir Jörn Greiter en Gernot Bahr se aanslag moet wees. Indien Kai Hennes 40 punte met die laaste twee rondes verdien, kan hy Greiter en Bahr verbysteek. Horst Becker, Rian Kritzinger en Rinus van Rooyen is ’n stewige wedloop in die intermediêre klas gewikkel. Kritzinger en Van Rooyen is onderskeidelik 22 en 25 punte agter die voorloper. Brandon Juling is die buiteperd wat laasgenoemde twee se kaarte kan deurmekaar krap.Dus gaan die sewende ronde vir vuurwarm aksie tussen die ryers sorg.SESDE RONDEMet die sesde ronde by Friedenau het Quinton van Rooyen, Heiko Stranghöner, Jaco Husselmann, André Barnard en Vincent Griebel hul onderskeie klasse gewen. Friedenau se uitslae:Pro Ope: 1 Van Rooyen, 2 Weber-Trianus, 3 Rusch.Senior Pro: 1 Stranghöner, 2 Bahr, 3 Stephanus du Plessis.Intermediêr: 1 Husselmann, 2 Kritzinger, 3 Jean Venter.Groenetjies: 1 Barnard, 2 Sunny Wittreich, 3 Antonio Monteiro.Beginners: 1 Griebel, 2 Max Heigan, 3 Felix Wittreich.2023-puntestand (topvyf)Ope pro: 1 Van Rooyen (120 punte), 2 Rusch (87), 3 Weber-Trianus (66), 4 Pearce (48), 5 Rohrmüller (47).Senior pro: 1 Stranghöner (109), 2 Jörn Greiter (87), 3 Bahr (72), 4 Hennes (63), 5 Hanré Myburgh (36). Intermediêr: 1 Becker (99), 2 Kritzinger (77), 3 Van Rooyen (74), 4 Juling (55). 5 Frederick van Greunen (44). Groentjies: 1 Barnard (97), 2 Zoe Waldschmidt (91), 3 Ingo Waldschmidt (54), 4 Monteiro (45), 5 Jens Weyand (17).Beginners: 1 Felix Wittreich (86), 2 Griebel (60), 3 Paul Mans (40), 4 Josua Huisamen (32), 5 Heigan (17). Die Enduro-kampioenskap word deur Auto Care Centre, Dr. HP Myburgh, Engineering Centre CC, JR Trading CC, Namibia Endless Horizens en SocialFly Marketing ondersteun. – tielman@republikein.com.na

Voorlaaste rondte beloof warm mededinging

Kommentaar

Republikein 2026-05-12

Meld asseblief aan om kommentaar te lewer

Voorlaaste rondte beloof warm mededinging

Kommentaar

Republikein 2026-05-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.