Vera se Epic-brons wen veld vir Namibië
Bergfietsry
Die profiel van Namibiese bergfietsry is in Europa verder verhoog deur Vera Looser en haar spanmaat Kim Le Court (Mauritius) se bronsposisie in die gesogte Absa Swiss Epic.
“Ons het so ’n goeie week gehad en ek was so gelukkig om Kim as my spanmaat te hê. Sy was wonderlik en ons het baie goed saam gery, met baie gelyke kragvermoëns,” het Looser gister gesê.
“As Kim se fiets nie op die tweede laaste dag ’n tegniese probleem gehad het nie, kon ons selfs sterker vir die tweede posisie op die algehele klassifikasie meegeding het.
“Om die vyfde en laaste skof te wen en aan die bopunt van die podium te staan, was ook baie lekker. Die vorige dag se skof (die langste in die geskiedenis van die toer) is boonop in erge koue en reënweer beslis en die ryers was vir meer as vyf ure in die saal, maar
“In die geheel is dit egter so ’n wonderlike byeenkoms met puik organisering en die kompetisie was ook lekker sterk.
Die topvier vrouespanne in die toer was:
1 Bettina Janas en Adelheid Morath (beide Duitsland) 20:48:16.
2 Janina Wüst (Switserland en Debora Piana (Italië) +15 minute 34 s.
3 Vera Looser (Namibië) en Kim Le Court (Mauritius) +36 minute 10 s.
4. Alessia Nay en Antonia Bünter (beide Switserland) +2 ure 15 minute.
Looser was gister reeds op reis na komende naweek se Ötztaler Bike Marathon in Oostenryk, ’n eendaagse enkelskof padresies oor 240 km met 5 500 klimmeters.
Die marathon-wêreldkampioenskap middel September in Denemarke is ook in haar visier.
• Looser se man, Konny, het met Namibië se Tristan de Lange as sy spanmaat die toer in die 14de posisie afgesluit.
JUNIORS WYS VORM
Die Namibiese groepie by laas naweek se Switserse Bekerbyeenkoms in Basel het ondanks onvleiende eindposisies gewys dat hulle inderdaad goed op dreef is.
Groot getalle ryers op ’n meestal smallerige roete maak resiese in hierdie reeks ’n redelik chaotiese spulletjie. Ryers wat sonder genoegsame punte op die wêreldranglys met ’n wegspringposisie in die agterste groepe begin, het dus ook weinig geleentheid om ooit hul posisie tot naby die voorpunt op te werk.
Hans du Toit, die nasionale fietsry-afrigter, sê in die seuns onder 17-resies was Sean Lowe en Roger Surén 12de en 13de.
“Op die laaste baanrondte was Roger nog saam met nog twee voorlopers in die resies, maar dit was ’n ongelooflike modderige dag en hy moes toe omtrent vier keer stop om sy ketting terug te plaas.
“By die junior mans het Kevin Lowe goed weggespring en was in die stadium so rondom die tiende posisie, maar het bietjie geïsoleer geraak en 22ste klaargemaak. Dis steeds baie goed, met 122 ryers van meer as twintig lande in die resies, insluitend die meeste van Switserland.
“Daniel Hahn het minder goed weggespring en was vroeg 83ste en het van daar af opgang gemaak en omtrent 55ste klaargemaak.
“Die roete vir Alex Miller se elite mansresies was nogal vreemd en het twee baanrondtes op ’n perderesiesbaan ingesluit. Die bottelnek toe die klomp ryers by ’n klein hekkie moes uitry, het hom tot in die 60’s laat terugsak. Hy het nietemin in die oorblywende drie rondtes teruggeveg en ongelooflik sterk geëindig (23ste).
“Ek is baie beïndruk met al ons ryers se vorm. Hulle het gewys hulle verdien blootstelling op ’n vroeër ouderdom aan sulke kompetisies.
“Ek dink Monique du Plessis was omtrent die jongste in die elite vroueresies en is net-net voor die laaste baanrondte verbygesteek en uitgehaal, wat verhinder het dat sy kon klaarmaak. Sy het op ns besoek aan Switserland met rasse skrede vooruit gegaan en daar is nog baie ruimte om vorentoe te bou.”
• Du Toit en sy landgenote het intussen reeds na die Franse vakansieoord Les Gets gereis waar die UCI wêreldkampioenskap vir bergfietsryers komende Saterdag en Sondag beslis word.
Miller en Hugo Hahn sal in die mans o.23-resies meeding; Steffi Grossmann is daar vir die afdraandresies en Daniel Hahn en Kevin Lowe tussen die junior mans.
“Ons het so ’n goeie week gehad en ek was so gelukkig om Kim as my spanmaat te hê. Sy was wonderlik en ons het baie goed saam gery, met baie gelyke kragvermoëns,” het Looser gister gesê.
“As Kim se fiets nie op die tweede laaste dag ’n tegniese probleem gehad het nie, kon ons selfs sterker vir die tweede posisie op die algehele klassifikasie meegeding het.
“Om die vyfde en laaste skof te wen en aan die bopunt van die podium te staan, was ook baie lekker. Die vorige dag se skof (die langste in die geskiedenis van die toer) is boonop in erge koue en reënweer beslis en die ryers was vir meer as vyf ure in die saal, maar
“In die geheel is dit egter so ’n wonderlike byeenkoms met puik organisering en die kompetisie was ook lekker sterk.
Die topvier vrouespanne in die toer was:
1 Bettina Janas en Adelheid Morath (beide Duitsland) 20:48:16.
2 Janina Wüst (Switserland en Debora Piana (Italië) +15 minute 34 s.
3 Vera Looser (Namibië) en Kim Le Court (Mauritius) +36 minute 10 s.
4. Alessia Nay en Antonia Bünter (beide Switserland) +2 ure 15 minute.
Looser was gister reeds op reis na komende naweek se Ötztaler Bike Marathon in Oostenryk, ’n eendaagse enkelskof padresies oor 240 km met 5 500 klimmeters.
Die marathon-wêreldkampioenskap middel September in Denemarke is ook in haar visier.
• Looser se man, Konny, het met Namibië se Tristan de Lange as sy spanmaat die toer in die 14de posisie afgesluit.
JUNIORS WYS VORM
Die Namibiese groepie by laas naweek se Switserse Bekerbyeenkoms in Basel het ondanks onvleiende eindposisies gewys dat hulle inderdaad goed op dreef is.
Groot getalle ryers op ’n meestal smallerige roete maak resiese in hierdie reeks ’n redelik chaotiese spulletjie. Ryers wat sonder genoegsame punte op die wêreldranglys met ’n wegspringposisie in die agterste groepe begin, het dus ook weinig geleentheid om ooit hul posisie tot naby die voorpunt op te werk.
Hans du Toit, die nasionale fietsry-afrigter, sê in die seuns onder 17-resies was Sean Lowe en Roger Surén 12de en 13de.
“Op die laaste baanrondte was Roger nog saam met nog twee voorlopers in die resies, maar dit was ’n ongelooflike modderige dag en hy moes toe omtrent vier keer stop om sy ketting terug te plaas.
“By die junior mans het Kevin Lowe goed weggespring en was in die stadium so rondom die tiende posisie, maar het bietjie geïsoleer geraak en 22ste klaargemaak. Dis steeds baie goed, met 122 ryers van meer as twintig lande in die resies, insluitend die meeste van Switserland.
“Daniel Hahn het minder goed weggespring en was vroeg 83ste en het van daar af opgang gemaak en omtrent 55ste klaargemaak.
“Die roete vir Alex Miller se elite mansresies was nogal vreemd en het twee baanrondtes op ’n perderesiesbaan ingesluit. Die bottelnek toe die klomp ryers by ’n klein hekkie moes uitry, het hom tot in die 60’s laat terugsak. Hy het nietemin in die oorblywende drie rondtes teruggeveg en ongelooflik sterk geëindig (23ste).
“Ek is baie beïndruk met al ons ryers se vorm. Hulle het gewys hulle verdien blootstelling op ’n vroeër ouderdom aan sulke kompetisies.
“Ek dink Monique du Plessis was omtrent die jongste in die elite vroueresies en is net-net voor die laaste baanrondte verbygesteek en uitgehaal, wat verhinder het dat sy kon klaarmaak. Sy het op ns besoek aan Switserland met rasse skrede vooruit gegaan en daar is nog baie ruimte om vorentoe te bou.”
• Du Toit en sy landgenote het intussen reeds na die Franse vakansieoord Les Gets gereis waar die UCI wêreldkampioenskap vir bergfietsryers komende Saterdag en Sondag beslis word.
Miller en Hugo Hahn sal in die mans o.23-resies meeding; Steffi Grossmann is daar vir die afdraandresies en Daniel Hahn en Kevin Lowe tussen die junior mans.
Kommentaar
Republikein
Geen kommentaar is op hierdie artikel gelaat nie