Van Rooyen opnuut koning van die berge

Die Namibiese Enduro-klub het onlangs sy jaareindfunksie en prysuitdeling vir die seisoen gehou, waar die land se topryers in hul onderskeie klasse vir hul indrukwekkende vaardighede en talent in die bergagtige dele van Namibië beloon is.Die byeenkoms was ’n viering van die uithouvermoë en vasberadenheid deur die ryers ná agt rondes van die nasionale kampioenskap.Die Enduro-klub sê in hul verslag: “Ons gebruik graag die geleentheid om ons dankbaarheid en waardering teenoor ons borge SocialFly Marketing Namibia, JR Trading, Auto Care Centre CC, dr. HP Myburgh en Engineering Centre CC uit te spreek. Sonder jul ruimhartige ondersteuning en bydraes sou hierdie byeenkomste nie moontlik gewees het nie.“Ons opregte waardering gaan aan Uis, Friedenau, Abbabis en Itumba vir die uitleg van die roetes op jul grond. Jul uitgestrekte landskappe is perfek soos ons dit wil hê en het ons die geleentheid gebied om hierdie ongelooflike kompetisies te organiseer, wat die beste van Namibiese enduro-sport ten toon gestel het.”Individuele toekennings is oorhandig aan André Barnard (beste vordering), Quinton van Rooyen (beste ryer), Brandon Juling (“rookie” van die jaar), Charlie Koster (hardste val) en Sunny Wittreich wat die meeste kere nie sy kompetisie kon voltooi het nie.Vroue-ontwikkelingsklas: 1 Maike Bochert, 2 Maria Wittreich, 3 Melani Mathews.Beginnersklas: 1 Felix Wittreich, 2 Vincent Griebel, 3 Paul Mans.“Rookie”-klas: 1 André Barnard, 2 Zoe Waldschmidt, 3 Sunny Wittreich.Intermediêre klas: 1 Rian Kritzinger, 2 Horst Becker, 3 Brandon Juling.Senior Pro-klas: 1 Heiko Stranghöner, 2 Jörn Greiter, 3 Gernot Bahr.In die Pro-klas het Namibië se elite-ryers mekaar nie genade betoon nie. Quinton van Rooyen het die eerste plek behaal met ’n verstommende vertoning deur elk van die agt rondtes van die kampioenskap in te palm. Keanu Weber-Trianus het bestendig gery om sy tweede plek te verseker, met Henner Rusch wat die algehele derde posisie behaal het.

Van Rooyen opnuut koning van die berge

Kommentaar

Republikein 2025-08-06

Meld asseblief aan om kommentaar te lewer

Van Rooyen opnuut koning van die berge

Kommentaar

Republikein 2025-08-06

Meld asseblief aan om kommentaar te lewer

MELD AAN

Advertensie