Van der Westhuizen die tophengelaar

Rinus van der Westhuizen van Otjiwarongo was die kampioenhengelaar in die mansafdeling toe die jaarlikse Namibiese nasionale kampioenskap in rots- en strandhengel vanaf 17 tot 29 Maart langs die kus gehou is.Die totale gewig van Van der Westhuizen se vangste was 173,7 kilogram. Dit sluit een eetbare vis van 66,4 kilogram en tien oneetbare visse in. Werner van Riet van Walvisbaai was tweede met sy agt oneetbare visse met ’n gewig van 159,2 kilogram. In die derde plek was Henri Snyman van die Penguin-hengelklub met een eetbare vis en nege oneetbare visse van ’n gesamentlike gewig van 114,9 kilogram. Die vrouekampioen was Lindie Krause van Orca-hengelklub met ses oneetbare visse met ’n gewig van 51 kilogram. Tweede was Lydia Cilliers van Benguela-hengelklub met vyf oneetbare visse (totaal 42,4 kg). Sy het ’n nuwe klubrekord opgestel met haar pylstert van 22,2 kilogram. Jacomine Heath van Hentiesbaai-klub was met haar twee eetbare en ses oneetbare visse met ’n gewig van 41,3 in derde plek. In die kategorie vir o.16-seuns was Francois Wolfaardt junior van Walvisbaai met 122,8 kg eerste, gevolg deur Daniel Janse van Vuuren van Namibpark met 101,5 kg en Rudi Swartz junior van Mako met 68.3 in derde plek. By die o.21-mans was Corné Burger van Penguin eerste met 118,1 kg, Gerard Hough van Mako met 63,6 kg tweede en Herman Krauze van Orca met 50,8 kg derde. Die algehele grootste eetbare vis was ’n kabeljou van 21,3 kg wat deur Murray Lewis van Mako gevang is. In die oneetbare afdeling het Renier van Zyl van Benguella die swaarste swart seebarber (1,4 kg) gevang. Danie van Zyl van Okahandja het die grootste St. Josefshaai met 4,4 kg gevang. Met 3,6 kg was Maritz Jansen van Vuuren van Otjiwarongo se sandhaai die grootste. Lydia Cilliers van Benguella het die grootste pylstert van 22,2 kg uitgetrek en Rinus van der Westhuizen van Otjiwarongo het die grootste vroulike bronshaai van 66,4 kg gevang, terwyl Werner van Riet van Walvisbaai die grootste manlike bronshaai (102,4 kg) gevang het. Tiaan Fourie van Hentiesbaai se hondhaai van 10,8 kg was die grootste en die prys vir die sopvinhaai van 5 kg behoort aan Andre Bezuidenhout van Walvisbaai. Die twee gesamentlike grootste gespikkelde sloothaaie (beide 25,7 kg) is deur Nadine Downing van Hentiesbaai en William Schickerling van Orca gevang.

Van der Westhuizen die tophengelaar

Kommentaar

Republikein 2025-06-18

Meld asseblief aan om kommentaar te lewer

Van der Westhuizen die tophengelaar

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie