Unam wil Kudus van wenpad afdruk

Die meeste aanduiders is in die guns van FNB Kudus in sy rugbywedstryd teen FNB Universiteit van Namibië môre by die hoofkampus se veld in Windhoek.Die Walvisbaaiers het ná hul glipsie op die eerste dag teen Trustco United reggeruk om tans die voorloper in die Namibië Rugby-unie se premierliga te wees. Kudus het by FNB Wanderers gelykop gespeel met 19-19, maar het ook vier oorwinnings behaal.Unam het hierteenoor weggespring met ’n groot sege teen FNB Reho Falcon, maar het daarna vier in ’n ry verloor en is nou sesde op die puntelys. Boonop kry die studente feitlik geen van sy potensiële Welwitschias-staatmakers terug nie, meestal vanweë beserings tydens die Mzansi-reeks. Dit is afgesien van ander staatmakers wat beseer is, van klub verander het of nou hul rugby oorsee speel.In verlede jaar se wedstryd by Unam het afrigter Gawan Esterhuizen se twee FNB Kudus-spanne die seldsame prestasie behaal om elk met ’n bonuspuntsege van die Unam-stadion af weg te kom sonder dat die studentespan ’n enkele ligapunt kon byvoeg. Kudus se eerste span het dié kragmeting met 34-12 gewen, nadat hulle die tuiswedstryd op Walvisbaai ook beklink het.Dié NRU-ligawedstryd word môre deur Network TV se produksiespan regstreeks op NTV, asook aanlyn by https://oneuptwo.com gebeeldsend word.&bull; Op die Facebook-blad van Republikein en Namibia Media Holdings sal die derby-rugbywedstryde tussen die tweede spanne (vanaf 14:00) asook die eerste spanne (afskoptyd 15:45) tussen FNB Wanderers as tuisspan en Trustco United gevolg kan word.&bull; Op Rehoboth sal FNB Rehoboth se Rooi Bulle grag hul stempel wil afdruk teen die besoekers FNB Grootfontein.&bull; Vir uitslae, die puntestand en komende wedstryde, besoek www.fnbrugby.com.na/

Unam wil Kudus van wenpad afdruk

Kommentaar

Republikein 2025-11-05

Meld asseblief aan om kommentaar te lewer

Unam wil Kudus van wenpad afdruk

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.