Uganda uitoorlê Eagles met drie lopies
Krieket
In 'n spannende botsing het Yasmeen Khan (40 nie uit nie) die Namibiërs so byna tot 'n oorwinning teen Uganda geneem.
Ná hul puik vordering om vyf uit ses wedstryde te wen en die eindstryd van die Capricorn Vierhoekige Internasionale T20-toernooi as die gunsteling te betree, het die Namibiese vrouespan gister met drie lopies naelskraap oor die laaste hekkie gestruikel.
Uganda, met 93 vir die verlies van vyf paaltjies in 20 boulbeurte, se spelers het van vreugde gebokspring nadat hulle die Capricorn Vroue-Eagles by die United-veld op dramatiese wyse geklop het.
Die Namibiërs het 13 lopies van die laaste boulbeurt vir ’n oorwinning kortgekom, maar kon toe net nege versamel op die stadige buiteveld vanweë die swaar reënweer wat dit vroeër onwaarskynlik laat lyk het dat die finaal gespeel sou kon word.
Vroeër kon Uganda in hul eerste ses boulbeurte ook sewe lopies vir die verlies van een paaltjie aanteken. Janet Mbabazi en Prosscovia Alako het hierna egter die pas versnel en binne vier boulbeurte die telling tot 31/1 gevoer.
In die laaste tien boulbeurte is die Eagle-boulers teen 6.2 lopies per boulbeurt gepeper.
Nie eens die verlies van Alako (14 lopies) en Mbazi (18, 3x4) in die twaalfde boulbeurt kon Uganda se momentum rem toe hulle binne vier aflewerings van Kayleen Green tot 36/3 geskud is nie.
Stephani Nampiina en Immaculate Nakisuuyi het in die volgende vier boulbeurte die wilgerlat kwistig vir 31 lopies ingelê en die telling tot 67/4 gevoer nadat Nampina (22 van 12 balle, 1x4, 2x6) Green se derde slagoffer geword het.
Die laaste vyf boulbeurte was ietwat meer besadig toe Uganda slegs 26 lopies teen 5.2 per beurt kon aanteken. Nakisuuyi eindig op 26 nie uit nie (28 b, 2x4, 1x6), terwyl Kevin Awino (2) asook Phiona Kulume en Rita Musamali elk drie lopies bydra. Gesamentlik slaan die Ugandese ses viere en drie sesse.
Green (3 paaltjies vir 22 in 4 beurte) was Namibië se voorste bouler wat slagoffers bewerkstellig het. Wilka Mwatile (0/6 in 4, 2 leeg) was onder die omstandighede onspeelbaar en Victoria Hamunyela was ook goed met 0/12 in 4. Namibië staan net vyf ekstras af.
Suné Wittmann, Adri van der Merwe en Mwatile het in dié toernooi met tye goeie tellings aangeteken, maar kon gister nie hul stempel met die kolf afdruk nie.
Yasmeen Khan (40 nie uit nie van 52 b, 3x4), Wittmann (gevang vir 5 van 9 b), Van der Merwe (uitgehardloop vir 12 van 19 b, 1x4), Arrasta Diergaardt (uitgehardloop vir 6 van 7 b), Mwatile (gevang vir 7 van 10 b), Green (11 nie uit nie van 23 b, 1x4) het Namibië se lopies behaal.
Die naatboulers Irene Alumo (2/8 in 3) en Mbabazi (0/18 in 4) asook die draaibalboulers Sarah Akiteng (0/14 in 4) en Concy Aweko (0/16 in 4) het die Namibiërs met uitstekende boulwerk onder druk geplaas.
Irené van Zyl, kaptein van die Eagles, het agterna gesê dit was teleurstellend om ná vyf opeenvolgende oorwinnings nie die doodskoot te kon toedien nie.
“Uganda het vandag sterk uitgekom, hoewel ons hulle aanvanklik baie goed beperk het. Ek voel ons het as ’n boul- en veldwerkeenheid ’n goeie toernooi beleef hoewel daardie laaste paar lopies uiteindelik te veel was.
“Dit was wonderlik dat ons toeskouers by ons wedstryde kon hê en ek is baie trots op die meisies. Wilka het uitmuntend geboul en Suné, Vicky Hamunyela en Arrasta ... die hele span het met tye bygedra tot wat ons beleef het.
“Ons veldwerk was ’n sterk punt in die toernooi en dit is ’n verblydende aspek.”
– [email protected]
Uganda, met 93 vir die verlies van vyf paaltjies in 20 boulbeurte, se spelers het van vreugde gebokspring nadat hulle die Capricorn Vroue-Eagles by die United-veld op dramatiese wyse geklop het.
Die Namibiërs het 13 lopies van die laaste boulbeurt vir ’n oorwinning kortgekom, maar kon toe net nege versamel op die stadige buiteveld vanweë die swaar reënweer wat dit vroeër onwaarskynlik laat lyk het dat die finaal gespeel sou kon word.
Vroeër kon Uganda in hul eerste ses boulbeurte ook sewe lopies vir die verlies van een paaltjie aanteken. Janet Mbabazi en Prosscovia Alako het hierna egter die pas versnel en binne vier boulbeurte die telling tot 31/1 gevoer.
In die laaste tien boulbeurte is die Eagle-boulers teen 6.2 lopies per boulbeurt gepeper.
Nie eens die verlies van Alako (14 lopies) en Mbazi (18, 3x4) in die twaalfde boulbeurt kon Uganda se momentum rem toe hulle binne vier aflewerings van Kayleen Green tot 36/3 geskud is nie.
Stephani Nampiina en Immaculate Nakisuuyi het in die volgende vier boulbeurte die wilgerlat kwistig vir 31 lopies ingelê en die telling tot 67/4 gevoer nadat Nampina (22 van 12 balle, 1x4, 2x6) Green se derde slagoffer geword het.
Die laaste vyf boulbeurte was ietwat meer besadig toe Uganda slegs 26 lopies teen 5.2 per beurt kon aanteken. Nakisuuyi eindig op 26 nie uit nie (28 b, 2x4, 1x6), terwyl Kevin Awino (2) asook Phiona Kulume en Rita Musamali elk drie lopies bydra. Gesamentlik slaan die Ugandese ses viere en drie sesse.
Green (3 paaltjies vir 22 in 4 beurte) was Namibië se voorste bouler wat slagoffers bewerkstellig het. Wilka Mwatile (0/6 in 4, 2 leeg) was onder die omstandighede onspeelbaar en Victoria Hamunyela was ook goed met 0/12 in 4. Namibië staan net vyf ekstras af.
Suné Wittmann, Adri van der Merwe en Mwatile het in dié toernooi met tye goeie tellings aangeteken, maar kon gister nie hul stempel met die kolf afdruk nie.
Yasmeen Khan (40 nie uit nie van 52 b, 3x4), Wittmann (gevang vir 5 van 9 b), Van der Merwe (uitgehardloop vir 12 van 19 b, 1x4), Arrasta Diergaardt (uitgehardloop vir 6 van 7 b), Mwatile (gevang vir 7 van 10 b), Green (11 nie uit nie van 23 b, 1x4) het Namibië se lopies behaal.
Die naatboulers Irene Alumo (2/8 in 3) en Mbabazi (0/18 in 4) asook die draaibalboulers Sarah Akiteng (0/14 in 4) en Concy Aweko (0/16 in 4) het die Namibiërs met uitstekende boulwerk onder druk geplaas.
Irené van Zyl, kaptein van die Eagles, het agterna gesê dit was teleurstellend om ná vyf opeenvolgende oorwinnings nie die doodskoot te kon toedien nie.
“Uganda het vandag sterk uitgekom, hoewel ons hulle aanvanklik baie goed beperk het. Ek voel ons het as ’n boul- en veldwerkeenheid ’n goeie toernooi beleef hoewel daardie laaste paar lopies uiteindelik te veel was.
“Dit was wonderlik dat ons toeskouers by ons wedstryde kon hê en ek is baie trots op die meisies. Wilka het uitmuntend geboul en Suné, Vicky Hamunyela en Arrasta ... die hele span het met tye bygedra tot wat ons beleef het.
“Ons veldwerk was ’n sterk punt in die toernooi en dit is ’n verblydende aspek.”
– [email protected]
Kommentaar
Republikein
Geen kommentaar is op hierdie artikel gelaat nie