Tsumeb gasheer vir vierde tydren

Die vierde rondte van die Namibiese nasionale tydrenkampioenskap word Saterdag met tien spesiale sneldele (SS) by Tsumeb gehou.Die 2023-kampioenskap sal in net ses kompetisies bepaal word. Ná die Tsumeb-tydren bied Redline-motorklub die vyfde rondte by die hoofstad aan en die sesde byeenkoms sal die Walvisbaai-motorklub opnuut by Swakopmund hou. Beide die laaste twee tydrenne sal oor twee dae beslis word. Die Windhoek-byeenkoms vind op 20 en 21 Oktober plaas met sneldele wat uitstekend toeskouervriendelik sal wees. Die Swakopmund-tydren is vir 17 en 18 November geskeduleer.Saterdagoggend se tydren begin tienuur en behoort net ná 17:00 by die ovaalbaan eindig.Die stand van nasionale bestuurderskampioenskappunte is soos volg.Motorklasse (S1, S2, S3, S4): 1 Wilro Dippenaar (S4, 75), 2 Pierre Röhm (S1, 55), 3 Zachary Martin (S2, 51), 4 Pieter Greeff (S1, 44), 5 Wido Bartsch (S2, 38), 6 Allan Martin (S4, 21), 7 Berto Mostert (S2, 21), 8 Jaco Redelinghuys (S4, 21), 9 Rolf Pretorius (S2, 17), 10 Paul Oosthuizen (S1, 14), 11 Michael Kotze (S3, 14), 12 Jannie Coetzee (S2, 0).Veldvoertuie (CR1, CR2): 1 Loic Bathfield (CR1, 80), 2 Rian Kritzinger (CR1, 74), 3 Ekko Eikenberg (CR1, 65), 4 Werner Bartsch (CR2, 58), 5 Willie Schoeman (CR1, 23), 6 Ewald Bisschoff (CR1, 20), 7 Gert Liebenberg (CR1, 18), 8 Dirk Redman (CR2, 0), 9 Jacques Kruger (CR1, 0).Tsumeb se sneldele en tye: SS 1 en 4 (10:07 en 12:14). SS 2 en 5 (10:30 en 12:34). SS 3 en 6 (11:01 en 13:06). SS 7 en 9 (14:55 en 16:50). SS 8 en 10 (15:16 en 17:14). – tielman@republikein.com.na

Tsumeb gasheer vir vierde tydren

Kommentaar

Republikein 2025-12-19

Meld asseblief aan om kommentaar te lewer

Tsumeb gasheer vir vierde tydren

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.