Tienmanrugby bied iets opwindend

Die komende twee naweke se bekendstelling van die Namibië Rugby-unie (NRU) en die hoofborg Windhoek Draught se tien-aan-’n-kant franchise-reeks behoort heerlike opwinding vir toeskouers en ’n vars uitdaging vir spelers te bied.Ses maatskappyspanne sal sake op die naweke van 1-2 en 8-9 Oktober in die Hage Geingob-stadion uitspook, saamgestel in verskillende kombinasies uit die plaaslike rugbyklubs.Wedstryde word in helftes van 12 minute aan ’n kant beslis. Daar is egter bykomende kinkels in die reëls vir hierdie toernooi, naamlik:&bull; Skrums: Net binne die eerste agt minute van elke helfte word skrums toegeken. Vanaf minute 9 tot 12 word spel net met tikskoppies hervat.&bull; Puntetelling: Enige punte aangeteken in die eerste agt minute van ’n helfte tel volgens die normale rugbyreëls. Tydens die kragspel (laaste vier minute) verdien ’n span wat ’n drie druk tien punte (agt plus die doelskop, wat nie geneem hoef te word nie).&bull; Geel kaart-oortreders moet vir twee minute die veld verlaat.&bull; Elke wedstryd wat gewen word, bring vir ’n span twee ligapunte in die sak, of een elk indien hulle gelykop eindig. Die eerste bonuspunt word met jou span se derde drie in ’n wedstryd verdien, en hierna een bonuspunt vir elke drie.Die rondomtalie-fase tussen die ses spanne word komende Saterdag (09:00–16:30) en Sondag (09:00–13:00) afgehandel. Die uitklopwedstryde vir finale posisies word ’n week later beslis.Organiseerders was gister nog met finale reëlings besig, insluitend die afhandeling van die spelersgroepe vir elk van die ses franchises. Die aanvanklike spelersloting is reeds ’n geruime tyd gelede gedoen terwyl die NRU se vyftienligas nog aan die gang was.Vanweë beserings of ander verpligtinge moes sommige franchisespanne reeds enkele plaasvervangende spelers nader roep, sedert die NRU premierliga se eindstryd op 3 September afgehandel is. Met spelers wat van verskillende dorpe afkomstig is, asook die onbeskikbaarheid van sommige velde, was daar ook maar nog beperkte geleenthede vir die nuwe kombinasies om hul samespel op die oefenveld gereed te kry. Die harmonie behoort nietemin te verbeter namate die toernooi vorder.Kaartjies beloop N$50 vir net Saterdag; N$40 vir net Sondag, of N$60 vir ’n naweekkaartjie. Die franchise-kaartjie van N$100 vir diegene wat graag elke wedstryddag wil gaan bywoon, is dus ’n goeie aanbieding.Die basiese leierstruktuur vir elke franchise-span, in die naam van sy hoofborg, is soos volg:WINDHOEK DRAUGHTEienaar: Danie Keulder.Afrigters: Gawan Esterhuizen (Kudus) en Darryl de la Harpe (Wanderers).Spanbestuurder: Willem van Zyl.Spankapteins: André van der Berg (Wanderers) en Elmarco Beukes (Rehoboth).BRAND PLAN BISONSEienaar: Collin Bester.Afrigters: Charles Oosthuizen (Vipers) en Dirk Human (Wanderers).Spanbestuurder: Winmar Rust.Spankapteins: Thomasau Forbes (Wanderers) en Justin Nel (Western Suburbs).DSTV NAMIBIAEienaars: Abelene Boer en Panduleni Shongolo.Afrigters: Gerald Loubser (Rehoboth) en Abraham Oberholzer (Vipers).Spanbestuurder: Tiana Rohe.Spankapteins: Wikus Jacobs (Grootfontein) en Cliven Loubser (Rehoboth).GRAVITY FORCEEienaar: Shaun Powell.Afrigters: Robbie Dickson (United) en Renaud van Neel (Unam).Spanbestuurder: Guilio Savoldelli.Spankapteins: Lorenzo Louis (Unam) en Mogamat Emamdien (Grootfontein).U-COM MOBILEEienaar: Dries Strydom.Afrigters: David Philander (Unam) en Shaun du Preez (Wanderers).Spanbestuurder: Bernice Döman.Spankapteins: Alcino Izaacs (Unam) en Oderich Mouton (Unam).BEST CHOICE COWBOYSEienaar: Fouche van Heerden.Afrigters: Rohan Kitshoff (Wanderers) en Louis Grobbelaar (Grootfontein).Spanbestuurder: Ryno Visagie.Spankapteins: Virgil Bampton (Kudus) en Oela Blaauw (United).

Tienmanrugby bied iets opwindend

Kommentaar

Republikein 2025-11-05

Meld asseblief aan om kommentaar te lewer

Tienmanrugby bied iets opwindend

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.