Talle redes vir opwinding buite Swakop
Bergfietsry
'n Onverwagse wêreldklas internasionale geur Sondag kan 'n besondere hoogtepunt vir 'n besige Paasnaweek bied.
Die byvoeging van twee nuwe dissiplines in die Nedbank UCI nasionale bergfietskampioenskap vorm deel van ’n Paasnaweek wat Swakopmund die middelpunt van die aksie vir fietsryers sal maak.
Die twee nuwe dissiplines met volle UCI-erkenning waarin die Namibiese Fietsryfederasie (NCF) vir die eerste keer nasionale truidraers sal bepaal, is die elektroniese bergfietsry (e-bikes) en die kortbaan-bergfietsry (XCC) wees, wat beide Vrydag afgehandel word.
Die NCF het reeds tevore byeenkomste by die kusvenue aangebied, maar die naweek is die eerste aanbieding van die nasionale bergfietskampioenskap hier. Die uitdraai na die baan is op die C28-pad agter die duine en is sigbaar vanaf die hoogte by die Rössmund-gholfklub verby. Baniere van die borg Nedbank sal ook gevolg kan word om die venue op te spoor.
VRYDAG
Vrydag se eerste resies om 15:00 is vir die elektroniese bergfietse, in die ope kategorieë vir mans en vroue (19 jaar en ouer). Vyf baanrondtes word gery wat omtrent een uur behoort te duur.
Hierna volg die kortbaan-kampioenskap, op ’n roete wat net minder as een kilometer lank is en nie besonder tegniese hindernisse bevat nie. Die seuns en meisies 14-18 jaar se resies is om 16:30 (nagenoeg tien minute) en die ope mans en vroue sal om 17:00 meeding (nagenoeg 20 minute).
SATERDAG
Alex Miller sal die gunsteling in die elite mans veldresies (wegspring 11:30) se sewe baanrondtes wees, ná die 22-jarige Namibiese kampioen en Statebondspele-bronswenner se puik debuut in die Absa Cape Epic met ’n toptien eindposisie saam met Philip Buys (RSA).
Op ’n goeie dag kan Hugo Hahn, Ingram Cuff en Gerhard Mans moontlik vir ’n tydperk druk op Miller as verdedigende kampioen plaas, hoewel hy tans te sterk behoort te wees tensy iets verkeerd loop.
In die elite vroueresies (wegspring 10:15) is die 2022-titelhouer Monique du Plessis, kort voor haar 20ste verjaarsdag, moontlik weer die een om dop te hou terwyl Courtney Liebenberg se deelname nog nie bevestig is nie.
Die junior mansresies, wat saam met die elite en o.23-groep wegspring vir ses baanrondtes, bevat die gedugte Kevin Lowe wat steeds die wêreld se nommer een jaer jonger as 18 jaar is. Hy sal egter nie sy ewe belowende oefenmaat Daniel Hahn (ook in die wêreld se topdrie juniors) langs hom hê nie, nadat dié verlede week in ’n oefensessie geval en sy pols gebreek het.
Stewige deelname van altesame meer as 90 ryers word in die onderskeie resiesklasse, insluitend die vroeër wegspringgroepe vanaf 08:15 verwag. Vanaf seuns en meisies onder 10, o.12 en o.16, tot die subveterane, veterane, meesters en grootmeesters sal deur die dag hul baanrondtes aflê vir posisies op die podium.
SONDAG: WEST COAST MTB
Die Hollard Gravel & Dirt-byeenkoms Sondag by die nabygeleë Moonlight Resort oos van Swakopmund sal ewe gewild wees vir inskrywings, insluitend diegene wie se bene nie te pap van die vorige dag se kompetisie is nie.
Ritte oor die afstande van 20 km, 35 km en 75 word aangebied vir die tweede van agt byeenkomste in die reeks, waarvan die eerste in Februarie by Oanobdam was.
Die wenners by Oanob en dus voorlopers in die reeks, Drikus Coetzee by die mans en Monique du Plessis by die vroue, sal opnuut hul stempel wil afdruk.
HOËPROFIEL GASTE
Die groot vraagteken waarop entoesiaste ’n antwoord sal wil sien, is watter van die sterbelaaide internasionale groepie besoekers van die Cannondale Factory Team se belangstellende navrae inderdaad op deelname aan Sondag se West Coast MTB sal uitloop.
Drie voormalige o.23- en junior wêreldkampioene in bergfietsry (die 27-jarige Alan Hatherly van Suid-Afrika, 25-jarige Simon Andreassen van Denemarke en 21-jarige Charlie Aldridge van Engeland) is lede van die groep wat die afgelope week of langer in Windhoek vir ’n spesiale oefenkamp is om in hitte en hoogte bo seespieël op komende verpligtinge wêreldwyd voor te berei.
Olimpiese en Wêreldbekerreeks-ondervinding en kontinentale prestasies loop dik in dié uitsoekgroepie, wat ook die formidabele 21-jarige Mona Mitterwallner van Oostenryk insluit.
Afgesien van haar nasionale titels is sy ook ’n Europese titelhouer (2020 en 2021) en het ondanks haar jeugdigheid ook die UCI o.23-wêreldkampioenskap én marathon-wêreldkampioenskap van 2021 gewen.
Annie Last (32) van Engeland was die Statebondspele se kampioen in 2018 en tweede by laas jaar se marathon-wêreldkampioenskap; Charlie Aldridge
Op sosiale media was die Cannondale-spanlede, wat ook die SA o.23-ryer Daniel van der Walt insluit, reeds vol lof oor die goeie indruk wat Namibië sover op hulle gemaak het.
Die twee nuwe dissiplines met volle UCI-erkenning waarin die Namibiese Fietsryfederasie (NCF) vir die eerste keer nasionale truidraers sal bepaal, is die elektroniese bergfietsry (e-bikes) en die kortbaan-bergfietsry (XCC) wees, wat beide Vrydag afgehandel word.
Die NCF het reeds tevore byeenkomste by die kusvenue aangebied, maar die naweek is die eerste aanbieding van die nasionale bergfietskampioenskap hier. Die uitdraai na die baan is op die C28-pad agter die duine en is sigbaar vanaf die hoogte by die Rössmund-gholfklub verby. Baniere van die borg Nedbank sal ook gevolg kan word om die venue op te spoor.
VRYDAG
Vrydag se eerste resies om 15:00 is vir die elektroniese bergfietse, in die ope kategorieë vir mans en vroue (19 jaar en ouer). Vyf baanrondtes word gery wat omtrent een uur behoort te duur.
Hierna volg die kortbaan-kampioenskap, op ’n roete wat net minder as een kilometer lank is en nie besonder tegniese hindernisse bevat nie. Die seuns en meisies 14-18 jaar se resies is om 16:30 (nagenoeg tien minute) en die ope mans en vroue sal om 17:00 meeding (nagenoeg 20 minute).
SATERDAG
Alex Miller sal die gunsteling in die elite mans veldresies (wegspring 11:30) se sewe baanrondtes wees, ná die 22-jarige Namibiese kampioen en Statebondspele-bronswenner se puik debuut in die Absa Cape Epic met ’n toptien eindposisie saam met Philip Buys (RSA).
Op ’n goeie dag kan Hugo Hahn, Ingram Cuff en Gerhard Mans moontlik vir ’n tydperk druk op Miller as verdedigende kampioen plaas, hoewel hy tans te sterk behoort te wees tensy iets verkeerd loop.
In die elite vroueresies (wegspring 10:15) is die 2022-titelhouer Monique du Plessis, kort voor haar 20ste verjaarsdag, moontlik weer die een om dop te hou terwyl Courtney Liebenberg se deelname nog nie bevestig is nie.
Die junior mansresies, wat saam met die elite en o.23-groep wegspring vir ses baanrondtes, bevat die gedugte Kevin Lowe wat steeds die wêreld se nommer een jaer jonger as 18 jaar is. Hy sal egter nie sy ewe belowende oefenmaat Daniel Hahn (ook in die wêreld se topdrie juniors) langs hom hê nie, nadat dié verlede week in ’n oefensessie geval en sy pols gebreek het.
Stewige deelname van altesame meer as 90 ryers word in die onderskeie resiesklasse, insluitend die vroeër wegspringgroepe vanaf 08:15 verwag. Vanaf seuns en meisies onder 10, o.12 en o.16, tot die subveterane, veterane, meesters en grootmeesters sal deur die dag hul baanrondtes aflê vir posisies op die podium.
SONDAG: WEST COAST MTB
Die Hollard Gravel & Dirt-byeenkoms Sondag by die nabygeleë Moonlight Resort oos van Swakopmund sal ewe gewild wees vir inskrywings, insluitend diegene wie se bene nie te pap van die vorige dag se kompetisie is nie.
Ritte oor die afstande van 20 km, 35 km en 75 word aangebied vir die tweede van agt byeenkomste in die reeks, waarvan die eerste in Februarie by Oanobdam was.
Die wenners by Oanob en dus voorlopers in die reeks, Drikus Coetzee by die mans en Monique du Plessis by die vroue, sal opnuut hul stempel wil afdruk.
HOËPROFIEL GASTE
Die groot vraagteken waarop entoesiaste ’n antwoord sal wil sien, is watter van die sterbelaaide internasionale groepie besoekers van die Cannondale Factory Team se belangstellende navrae inderdaad op deelname aan Sondag se West Coast MTB sal uitloop.
Drie voormalige o.23- en junior wêreldkampioene in bergfietsry (die 27-jarige Alan Hatherly van Suid-Afrika, 25-jarige Simon Andreassen van Denemarke en 21-jarige Charlie Aldridge van Engeland) is lede van die groep wat die afgelope week of langer in Windhoek vir ’n spesiale oefenkamp is om in hitte en hoogte bo seespieël op komende verpligtinge wêreldwyd voor te berei.
Olimpiese en Wêreldbekerreeks-ondervinding en kontinentale prestasies loop dik in dié uitsoekgroepie, wat ook die formidabele 21-jarige Mona Mitterwallner van Oostenryk insluit.
Afgesien van haar nasionale titels is sy ook ’n Europese titelhouer (2020 en 2021) en het ondanks haar jeugdigheid ook die UCI o.23-wêreldkampioenskap én marathon-wêreldkampioenskap van 2021 gewen.
Annie Last (32) van Engeland was die Statebondspele se kampioen in 2018 en tweede by laas jaar se marathon-wêreldkampioenskap; Charlie Aldridge
Op sosiale media was die Cannondale-spanlede, wat ook die SA o.23-ryer Daniel van der Walt insluit, reeds vol lof oor die goeie indruk wat Namibië sover op hulle gemaak het.
Kommentaar
Republikein
Geen kommentaar is op hierdie artikel gelaat nie