Suburbs óf Rooi Bulle moet uitgeskakel word

Die 14de en finale rondte wedstryde in die Namibië Rugby-unie (NRU) se premierliga sal môremiddag die samestelling van die halfeindstryde vir 2022 bepaal, wat tans op ’n mespunt gebalanseer is.Die voorste drie spanne – FNB Wanderers (56 punte), FNB Kudus (55) en FNB Unam (50) – weet reeds hulle sal in die uitklopfase betrokke wees, maar die voorreg om ’n tuissemifinaal by hul eie klubveld te kan aanbied, dien as almal se geelwortel.Spanne 4 en 5 is te ver agter om die voorstes in te haal en boonop sal óf FNB Western Suburbs (41) óf FNB Rehoboth (39) die laaste beskikbare posisie inpalm.Straks die uitslag wat die naaste aan ’n veilige voorspelling lyk, is dat Rehoboth se Rooi Bulle die weerstand van sy sukkelende derby-teenstander FNB Reho Falcon te bowe behoort te kom en vier, vyf of selfs die maksimum ses ligapunte kan byvoeg. Veral met ’n troefkaart soos die Namibiese losskakel Cliven Loubser in sy geledere, is die kanse goed dat Rehoboth sy buurklub vir die ganse seisoen wenloos gaan laat afsluit.Sodoende is die druk ten volle op Suburbs – vir wie daar min beweegruimte is om met enigiets minder as ’n oorwinning van sy besoek aan Walvisbaai terug te keer, waar Kudus hom môre lê en inwag.Kudus was vir ’n geruime tyd vanjaar die voorloper op die puntelys en sy twee nederlae uit 13 wedstryde vanjaar is minder as enige ander span. Die enigste opponente wat afrigter gawan Esterhuizen se manne vanjaar kon onderkry, was Grootfontein laas naweek in die noorde, asook die einste Suburbs ’n paar naweke tevore in Windhoek.Onder die inspirerende kapteinskap van die baljagterflank Cameron Langenhoven het Kudus se agttal vanjaar vir weinig teruggestaan wanneer dinge voorlangs rof raak.Tesame met Tertius Arangies, Craig Swartz, Lezardo Vos en Joshua Jacobs kan ’n vurige stryd vir die besit van die losbal verwag word.Agterlangs maak Aurelio Plato sy terugkeer en duime word vasgehou dat die senters PJ Walters en Justin Newman gereed sal wees. Kudus het die eerste rondte kragmeting met 36-26 verloor en sal dié uitslag more op sy tuisveld wil regstel.Hierteenoor het die reisende span uit Khomasdal egter ook reeds vanjaar keer op keer benadruk dat hy altyd ’n manier vind om die kaarte tot sy beskikking reg te speel. Om Suburbs te onderskat, bly moeilikheid soek.Hekgeld op Walvisbaai beloop N$30 per volwassene, N$20 per motor, N$20 vir kinders en N$50 per koelboks. Geen hookahpype word binne die stadion toegelaat nie.IN WINDHOEKDie jaarlikse derby tussen Wanderers en Trustco United is reeds in die eerste rondte beslis, toe die Wit Hingste die trofee in Olympia gaan haal het. Dit was egter ’n naelbyter met 28-27 as eindtelling, nadat United met die laaste beweging ’n haalbare strafskop pale toe links verby sien seil het.Afrigter Rohan Kitshoff is egter nie meer, soos destyds, sonder ’n groep nasionale spelers nie en behoort die skietgoed te hê om vuur met vuur te beantwoord.&bull; Unam kry môre op sy tuisstadion te make met Grootfontein, wat reeds uitgeskakel is.Die studente se ego is gekneus toe Wanderers hulle laas naweek met 32-27 ondergekry het, maar ’n vooruitsig soos dat Max Katjijeko reeds op die reserwebank was ná die handbesering wat hom uit die toer na Frankryk gehou het, is ’n belowende teken.Die vleuel Darryl Wellman, wat opeenvolgende driekunste teen Falcon en Wanderers, sal glo weens ’n tandoperasie nie vir Unam kiesbaar wees nie, en ook nie die stut Graham April (dyspier) nie.&bull; Puntetabel is op bl. 15.

Suburbs óf Rooi Bulle moet uitgeskakel word

Kommentaar

Republikein 2026-03-18

Meld asseblief aan om kommentaar te lewer

Suburbs óf Rooi Bulle moet uitgeskakel word

Kommentaar

Republikein 2026-03-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.