Steil bulte wag op Eagles in Glasgow
Krieket
Afrigter Pierre de Bruyn sê dis noodsaaklik om al vier wedstryde op die toer te wen.
Die Richelieu Eagles het dié week na Glasgow vir die Internasionale Krieketraad (ICC) se Wêreldbeker Liga 2-toernooi teen die gasheerspan Skotland en Nepal vertrek.
Die Eagles sal van komende Sondag tot 16 Julie in twee internasionale eendagwedstryde (ODI’s) teen beide Skotland en Nepal speel. Skotland is tans twaalfde op die ODI-wêreldranglys, Namibië 18de en Nepal 19de.
In die Wêreldbeker Liga 2-reeks (2019-2023) is die huidige stand: 1 Oman (44 punte ná 36 wedstryde, 21 gewen), 2 Skotland (28 ná 20, 13), 3 Verenigde Arabiese Emirate (26 ná 22, 12), 4 Verenigde State van Amerika (23 ná 24, 11), 5 Nepal (15 ná 16, 7), 6 Namibië (14 ná 14, 7), 8 Papoea-Nieu-Guinee (2 ná 20, 1).
Al agt lande speel 36 ODI-wedstryde en die Eagles sal teen Maart 2023 die 22 ingehaal het wat hulle weens Covid-beperkings nie kon speel nie.
Te midde van die Eagles se min onlangse ODI’s is Gerhard Erasmus (95ste) tans die enigste Namibiese kolwer op die ICC se ODI-kolwersranglys. Geen Eagles-boulers of veelsydige spelers verskyn op dié ranglys nie.
Die 38-jarige Kyle Coetzer het onlangs as kaptein van Skotland uitgetree en die span word voortaan deur Richie Berrington (35) aangevoer. Coetzer het Skotland in 214 ODI-wedstryde verteenwoordig waarvan hy in 110 die kaptein was.
Pierre de Bruyn, hoofafrigter van die Eagles, het aan Republikein gesê: “Ons is gereed vir die reeks teen Skotland en Nepal en ons moet dit wen. Dis van absolute kardinale belang dat die Eagles al vier ons ODI’s moet inpalm om op Skotland (65%) en Oman (58%) se wenpersentasies in te haal, wat baie goed is.
“Ons het ’n baie sterk groep spelers hier wat vir ons sukses kan behaal. Die Eagles het boulers en kolwers wat die afgelope tyd baie goed gevaar het.
“Lo-han Louwrens het uitstekend teen Hongkong in eendagwedstryde gekolf met twee vyftigtalle en ’n 100 agter sy naam. Daar is die belowende jong Divan la Cock wat soveel potensiaal en talent wys. In die middelorde het ons Gerhard Erasmus, David Wiese en JJ Smit.
“Dit gaan nie maklik teen ’n baie sterk Skotlandspan op hul tuiswerf wees nie en die spelers sal in sekere situasies die druk moet hanteer. Weersomstandighede speel ’n geweldige groot rol as jy kolf en ons sal dit so gou as moontlik onder die knie moet kry.
“Ons sal baie goed volgens die toestande moet beplan en proaktief in ons besluite wees. Die spelers sal baie gedissiplineerd moet wees en die basiese dinge reg doen. Kolwers sal groot vennootskappe moet bewerkstellig en so lank as moontlik kolf.
“In hierdie formaat moet jy groot tellings kry en om te wen het ons honderdtalle nodig. In ons topvyf kolwers sal ons met twee of drie 100-talle moet wegloop om die reeks met drie oorwinnings in Skotland te verseker.
“Alle moontlike voorbereiding wat die Eagles kon doen, is afgehandel. Die CWCL 2 maak binne die volgende nege maande klaar en dan wil ons nie sit en sê ons moes dit of dat anders gedoen het nie, want dan is dit te laat.”
Die Richelieu Eagles toerspan en hul ODI-statistiek (altesaam 122 wedstryde, 2686 lopies)
1 Gerhard Erasmus (27): Kaptein/kolwer/bouler (13 wedstryde, 497 lopies van 629 balle teen gemiddeld 41.41 lopies per kolfbeurt, 39x4, 7x6, lopietempo 79 persent). Boul: 0 paaltjies vir 75 lopies in 17 boulbeurte, ekonomie 4.41.
2 Craig Williams (38): Kolwer (15, 461, 580 b @ 35.46, 39x4, 8x1, 79.48 persent).
3 JJ Smit (26): Onderkaptein, kolwer (15, 432, 498 b @ 33.23, 21x4, 21x6, 86.74%).
4 Zane Green (25): Paaltjiewagter/kolwer (10, 282, 362 b @ 28.2, 29x4, 4x6, 77.90%).
5 Jan Frylinck (28): Kolwer (15, 278, 303 b @ 27.80, 15x4, 8x6, 91.74%). Bouler: 21/545 in 116.5 teen 25.95 per paaltjie, ekon 4.67.
6 David Wiese (37): Kolwer (11, 267, 278 b @ 29.66, 19x4, 9x6, 96.04%). Bouler: 12/543 in 90 @ 45.25, ekon 6.03.
7 Nicol Loftie-Eaton (21): Kolwer (6, 196, 276 b @ 32.66, 12x4, 71%).
8 Divan la Cock (19): Kolwer (2 A-klaswedstryde: 85, 88 b @ 42.5, 12x4, 2x6, 96.59%).
9 Ruben Trumpelmann (24): Kolwer (7, 71, 91 b @ 14.20, 3x4, 3x6, 78.02%). Bouler 10/347 in 64 @ 34.70, ekon 5.40.
10 Bernard Scholtz (31): Kolwer (14, 58, 115 b @ 19.33, 2x4, 50.43%). Bouler 14/413 in 103 @ 29.50, ekon 4.
11 Picky Ya France (32): Kolwer (10, 33, 34 b @ 16.5, 2x4, 1x6, 97%). Bouler 6/221 in 50 @ 36.83, ekon 4.42.
12 Lo-han Louwrens (23): Kolwer/paaltjiewagter (1, 14, 19 b, 1x4, 73.68).
13 Tangeni Lungameni (30): Kolwer (4, 12, 16 b @ 12, 75%). Bouler: 4/117 in 25 @ 29.25, ekon 4.68.
14 Ben Shikongo (22): Bouler (1 ODI) 2/41 in 6 @ 20.5, ekon 6.83.
Die Eagles sal van komende Sondag tot 16 Julie in twee internasionale eendagwedstryde (ODI’s) teen beide Skotland en Nepal speel. Skotland is tans twaalfde op die ODI-wêreldranglys, Namibië 18de en Nepal 19de.
In die Wêreldbeker Liga 2-reeks (2019-2023) is die huidige stand: 1 Oman (44 punte ná 36 wedstryde, 21 gewen), 2 Skotland (28 ná 20, 13), 3 Verenigde Arabiese Emirate (26 ná 22, 12), 4 Verenigde State van Amerika (23 ná 24, 11), 5 Nepal (15 ná 16, 7), 6 Namibië (14 ná 14, 7), 8 Papoea-Nieu-Guinee (2 ná 20, 1).
Al agt lande speel 36 ODI-wedstryde en die Eagles sal teen Maart 2023 die 22 ingehaal het wat hulle weens Covid-beperkings nie kon speel nie.
Te midde van die Eagles se min onlangse ODI’s is Gerhard Erasmus (95ste) tans die enigste Namibiese kolwer op die ICC se ODI-kolwersranglys. Geen Eagles-boulers of veelsydige spelers verskyn op dié ranglys nie.
Die 38-jarige Kyle Coetzer het onlangs as kaptein van Skotland uitgetree en die span word voortaan deur Richie Berrington (35) aangevoer. Coetzer het Skotland in 214 ODI-wedstryde verteenwoordig waarvan hy in 110 die kaptein was.
Pierre de Bruyn, hoofafrigter van die Eagles, het aan Republikein gesê: “Ons is gereed vir die reeks teen Skotland en Nepal en ons moet dit wen. Dis van absolute kardinale belang dat die Eagles al vier ons ODI’s moet inpalm om op Skotland (65%) en Oman (58%) se wenpersentasies in te haal, wat baie goed is.
“Ons het ’n baie sterk groep spelers hier wat vir ons sukses kan behaal. Die Eagles het boulers en kolwers wat die afgelope tyd baie goed gevaar het.
“Lo-han Louwrens het uitstekend teen Hongkong in eendagwedstryde gekolf met twee vyftigtalle en ’n 100 agter sy naam. Daar is die belowende jong Divan la Cock wat soveel potensiaal en talent wys. In die middelorde het ons Gerhard Erasmus, David Wiese en JJ Smit.
“Dit gaan nie maklik teen ’n baie sterk Skotlandspan op hul tuiswerf wees nie en die spelers sal in sekere situasies die druk moet hanteer. Weersomstandighede speel ’n geweldige groot rol as jy kolf en ons sal dit so gou as moontlik onder die knie moet kry.
“Ons sal baie goed volgens die toestande moet beplan en proaktief in ons besluite wees. Die spelers sal baie gedissiplineerd moet wees en die basiese dinge reg doen. Kolwers sal groot vennootskappe moet bewerkstellig en so lank as moontlik kolf.
“In hierdie formaat moet jy groot tellings kry en om te wen het ons honderdtalle nodig. In ons topvyf kolwers sal ons met twee of drie 100-talle moet wegloop om die reeks met drie oorwinnings in Skotland te verseker.
“Alle moontlike voorbereiding wat die Eagles kon doen, is afgehandel. Die CWCL 2 maak binne die volgende nege maande klaar en dan wil ons nie sit en sê ons moes dit of dat anders gedoen het nie, want dan is dit te laat.”
Die Richelieu Eagles toerspan en hul ODI-statistiek (altesaam 122 wedstryde, 2686 lopies)
1 Gerhard Erasmus (27): Kaptein/kolwer/bouler (13 wedstryde, 497 lopies van 629 balle teen gemiddeld 41.41 lopies per kolfbeurt, 39x4, 7x6, lopietempo 79 persent). Boul: 0 paaltjies vir 75 lopies in 17 boulbeurte, ekonomie 4.41.
2 Craig Williams (38): Kolwer (15, 461, 580 b @ 35.46, 39x4, 8x1, 79.48 persent).
3 JJ Smit (26): Onderkaptein, kolwer (15, 432, 498 b @ 33.23, 21x4, 21x6, 86.74%).
4 Zane Green (25): Paaltjiewagter/kolwer (10, 282, 362 b @ 28.2, 29x4, 4x6, 77.90%).
5 Jan Frylinck (28): Kolwer (15, 278, 303 b @ 27.80, 15x4, 8x6, 91.74%). Bouler: 21/545 in 116.5 teen 25.95 per paaltjie, ekon 4.67.
6 David Wiese (37): Kolwer (11, 267, 278 b @ 29.66, 19x4, 9x6, 96.04%). Bouler: 12/543 in 90 @ 45.25, ekon 6.03.
7 Nicol Loftie-Eaton (21): Kolwer (6, 196, 276 b @ 32.66, 12x4, 71%).
8 Divan la Cock (19): Kolwer (2 A-klaswedstryde: 85, 88 b @ 42.5, 12x4, 2x6, 96.59%).
9 Ruben Trumpelmann (24): Kolwer (7, 71, 91 b @ 14.20, 3x4, 3x6, 78.02%). Bouler 10/347 in 64 @ 34.70, ekon 5.40.
10 Bernard Scholtz (31): Kolwer (14, 58, 115 b @ 19.33, 2x4, 50.43%). Bouler 14/413 in 103 @ 29.50, ekon 4.
11 Picky Ya France (32): Kolwer (10, 33, 34 b @ 16.5, 2x4, 1x6, 97%). Bouler 6/221 in 50 @ 36.83, ekon 4.42.
12 Lo-han Louwrens (23): Kolwer/paaltjiewagter (1, 14, 19 b, 1x4, 73.68).
13 Tangeni Lungameni (30): Kolwer (4, 12, 16 b @ 12, 75%). Bouler: 4/117 in 25 @ 29.25, ekon 4.68.
14 Ben Shikongo (22): Bouler (1 ODI) 2/41 in 6 @ 20.5, ekon 6.83.
Kommentaar
David Louw
Weet nie hoekom geld so gemors word nie. Eagles gaan in elk geval laaste eindig!!