Spanne reis kus toe vir vlugbal se grote
Vlugbal
Die naweek sal The Dome in Swakopmund ’n miernes van vlugbalaksie wees wanneer die Namibiese Vlugbalfederasie (NVF) die gesogte Bank Windhoek Doc Ope-toernooi aanbied.
Die toernooi is een van die grootstes op die NVF se jaarlikse kalender en was oor die jare gewild. NVF het sy dankbaarheid teenoor Bank Windhoek vir sy volgehoue steun uitgespreek.
Hillary Imbuwa, president van die NVF, sê: “Ons verwag dat vanjaar se byeenkoms groter as die vorige een sal wees. Sestien vroue- en 22 manspanne sal vir die toplouere meeding.
“Ons probeer om die prysgeld te verbeter om meer deelnemers te lok. Dis ’n motiverende faktor vir spanne met beperkte bronne om deel van die geleentheid te wees.
“Bank Windhoek is ’n handelsmerk met wie die NVF graag geassosieer word. Aangesien die band oor die jare tussen die twee handelsmerke gebou is, gaan dit oor meer as net vlugbal.”
Joseph Amakali, tegniese direkteur van die NVF, het inwoners van die kusstreek uitgenooi om in die opwinding te kom deel wat tot Sondag voortduur.
“Dit gaan lekker wees; inwoners van Swakopmund en die omliggende dorpe behoort na die wedstryde te kom kyk,” het hy gesê.
Vanjaar se toernooi het spanne van die Zambezi, Kavango-Oos, Oshana, ||Kharas en die Otjozondjupastreek gelok. Die meeste klubs reis egter vanuit die Khomasstreek.
Die toernooi is een van die grootstes op die NVF se jaarlikse kalender en was oor die jare gewild. NVF het sy dankbaarheid teenoor Bank Windhoek vir sy volgehoue steun uitgespreek.
Hillary Imbuwa, president van die NVF, sê: “Ons verwag dat vanjaar se byeenkoms groter as die vorige een sal wees. Sestien vroue- en 22 manspanne sal vir die toplouere meeding.
“Ons probeer om die prysgeld te verbeter om meer deelnemers te lok. Dis ’n motiverende faktor vir spanne met beperkte bronne om deel van die geleentheid te wees.
“Bank Windhoek is ’n handelsmerk met wie die NVF graag geassosieer word. Aangesien die band oor die jare tussen die twee handelsmerke gebou is, gaan dit oor meer as net vlugbal.”
Joseph Amakali, tegniese direkteur van die NVF, het inwoners van die kusstreek uitgenooi om in die opwinding te kom deel wat tot Sondag voortduur.
“Dit gaan lekker wees; inwoners van Swakopmund en die omliggende dorpe behoort na die wedstryde te kom kyk,” het hy gesê.
Vanjaar se toernooi het spanne van die Zambezi, Kavango-Oos, Oshana, ||Kharas en die Otjozondjupastreek gelok. Die meeste klubs reis egter vanuit die Khomasstreek.
Kommentaar
Republikein
Geen kommentaar is op hierdie artikel gelaat nie