Span na o.13 Cravenweek aangekondig

Ná afloop van proewe vandeesweek tussen streekspanne in Windhoek is die Namibiese 23-tal aangewys wat volgende maand sake by die o.13 Cravenweek vir Laerskole gaan uitspook.

Vir die gesogte toernooi van 26 Junie tot 1 Julie op Krugersdorp sal die Namibiërs hul terugkeer maak, nadat geen toernooie tydens 2020 of verlede jaar aangebied kon word nie.

Die aangewese afrigters is mnre. Brian Titus van Rosh Pinah en Philip van Niekerk van Walvisbaai.

Die spanbestuurder mnr. Ernest Groenewald en voorsitter van laerskolerugby, mnr. Mauritz Thirion, sal die seuns ook vergesel.

Die spankaptein sal later aangekondig word.

Die Namibiese Skolesportunie (NSSU) se o.13-rugbyspan, geborg deur Sanlam Namibië, se samestelling vir hul openingswedstryd teen die Luiperds is soos volg:

1 Natangwe Shandjuuka

2 Henro Anthonissen

3 Reinhardt van Niekerk

4 Sammy Rossouw

5 Jay-dee Swartbooi

6 Jayden Mostert

7 Operi Katjitundu

8 Adriaan Ludeke

9 Matt-Reece Izaaks

10 Mathew Raubenheimer

11 Bradley Beukes

12 Armand Esterhuizen

13 Lian Kittler

14 Jaydrian Jansen

15 Drikus Maartens

Reserwes: Izak de Klerk, Stefan Horn, Jayden van Wyk, Slade Isaacs, Juan Damens, Dan-Dre du Plessis, Oliver Seager, Dehano Isaack.