Siya straks nooit weer in Bok-trui

Siya Kolisi gaan dalk nooit weer in ’n Springbok-trui gesien word nie.Benewens die ernstige kniebesering wat sy deelname aan die Wêreldbeker-toernooi in die gedrang bring, kan sy nuwe Franse klubspan, Racing 92, in 2024 en daarna breed in sy Bok-pad staan.Rapport het vroeër berig Kolisi se kontrak met die Franse reus sluit ’n klousule in dat hy nie ná die Wêreldbeker-toernooi vir Suid-Afrika mag speel nie. Hoewel Racing 92 later gesê het die kontrak is aangepas, is dit duidelik dat hulle nie gretig is dat Kolisi sy Bok-loopbaan voortsit terwyl hy in Frankryk speel nie.Die klub het die afgelope week opnuut geweier om te sê of Kolisi wel vir die Bokke sal mag speel.“Siya is vanaf 1 Desember 2023 verbind tot Racing. Ons kan geensins kommentaar lewer totdat hy ’n Racing-man is nie,” is al wat ’n woordvoerder van Racing 92 bereid was om te sê.Die navraag oor Kolisi se internasionale loopbaan is die afgelope week aan Racing 92 en Michael Yormark, president van Roc Nation, gerig nadat die 31-jarige Bok-kaptein ’n ernstige kniebesering teen Munster in die Verenigde Rugbykampioenskap opgedoen het. Hy is Vrydag in Kaapstad geopereer.Kolisi het hom voor 2019 se Wêreldbeker in ’n soortgelyke posisie bevind. Hy het in Mei 2019 ’n ernstige kniebesering opgedoen toe hy vir die Stormers teen die Highlanders gespeel het.Hy het toe, vier jaar gelede, in verband met sy besering teen chirurgie besluit en hom eerder tot aggressiewe fisioterapie gewend.Weens sy besering het Kolisi in die vorige Wêreldbeker-jaar eers op 17 Augustus 2019 in Pretoria in sy eerste toets van daardie jaar gespeel.Aangesien sy wedstrydskerpheid toe ná sy besering gekwel het, moes Kolisi in 2019 noodgedwonge in die Bokke se Wêreldbeker-weekdagwedstryde teen Namibië en Kanada speel om hom wedstrydskerp te kry.Die Bok-afrigtingspan het volgens ’n woordvoerder nog nie op ’n afsnydatum vir Kolisi, Eben Etzebeth, Jaden Hendrikse en Frans Steyn vir Wêreldbeker-oorweging besluit nie.By die Bokke is daar verskeie leiers op die veld, elkeen met verantwoordelikhede nes die Bok-kaptein.Etzebeth het onlangs aangedui hy hoop om ná ’n skouerbesering al vir Julie se Rugbykampioenskap gereed te wees, maar sy naam word steeds deur ingeligtes saam met Kolisi, Steyn (kniebesering) en Hendrikse (skouerbesering) s’n genoem as spelers wat in ’n wedloop teen tyd gewikkel is vir Wêreldbeker-oorweging.Die groep van 33 spelers vir vanjaar se rugbyskouspel word op 8 Augustus aangekondig.Kolisi het sedert sy toetsbuiging op 15 Junie 2013 teen Skotland in Mbombela in 75 toetse gespeel. Hy was in 45 die kaptein met ’n wenrekord van 64%.Vanweë sy skuif na Racing 92 is reeds aanvaar dat hy ná die Wêreldbeker van die Bok-kapteinskap afstand sal moet doen, aangesien die Suid-Afrikaanse Rugbyunie (Saru) verkies dat sy nasionale kaptein vanweë sy kommersiële en sosiale verpligtinge sy rugby in Suid-Afrika speel.“Siya is ’n uitstaande kaptein. Hy het die afgelope paar jaar ongelooflik in sy rol gegroei,” sê ’n ingeligte.Hy wys egter daarop dat die Bok-kapteinskap ’n groter kwessie vir die publiek en die media as vir die span is.“Die Bok-kaptein het beslis nie soveel invloed op ’n wedstryd soos byvoorbeeld ’n krieketkaptein nie. By die Bokke is daar verskeie leiers op die veld, elkeen met verantwoordelikhede nes die Bok-kaptein.”– Netwerk24

Siya straks nooit weer in Bok-trui

Kommentaar

Republikein 2026-07-17

Meld asseblief aan om kommentaar te lewer

Siya straks nooit weer in Bok-trui

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.