Seges in België teen Europeërs ingeryg

Die SPAR Namibiese nasionale inlynskaatshokkiespanne het gemengde welslae in België by die Europese kampioenskap behaal, maar die seges wat die Namibiërs bewerkstellig het, was inderdaad indrukwekkend teen gerekende teenstand.Hoewel die SPAR o.17-seuns en junior vroue se kompetisie nog nie afgeskop het nie, het die senior vroue asook junior manspanne van die Namibiese Ys- en Inlynskaatshokkievereniging (NIIHA) sedert Vrydag in Charleroi met tye uitmuntend gevaar.Die junior mans het teen Frankry met 6-5 verloor, maar hierna het hulle Finland (7-3), Brittanje (9-6) behaal en Slowakye met 7-4 oorrompel. Ongelukkig verloor hulle ook met 1-5 teen Italië.Die senior vroue is met 1-9 deur Spanje geklop, maar was baie bedrewe met oorwinnings teen Finland (9-5) en Brittanje (16-1). Gister in die kwarteindronde het hulle België (9-2) oorskadu om tot die semifinaal teen Frankryk deur te dring. Spanje en Italië speel in die ander halfeindstryd.Doelskieters sover vir die senior vrouespan was Leighzené Coetzee (9), Christine Röttcher (8), Maike Dedig (5), Ania Borstlap (4), Arlene Odendaal (3), Ieesha Hilukiluah (2), Laura Weimann (2), Lomarie Fourie en Fana Metz (een elk).Doele vir junior mans is sover deur Keanan Simpson (6), James de Jager (6), Mati Laporte (5), JW Coetzee (5), Theo Borstlap (3), Sean-Oliver Kirchner (2), Nikolas Kock en Vahid Diehl aangeteken. Die o.17-seuns en junior vroue se kompetisie begin eers Woensdag.

Seges in België teen Europeërs ingeryg

Kommentaar

Republikein 2025-12-22

Meld asseblief aan om kommentaar te lewer

Seges in België teen Europeërs ingeryg

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.