Scholtz boulheld in Wanderers-triomf

Krieket Namibië se premierliga-trofee vir die eendagformaat (50 boulbeurte) staan weer by Wanderers-klub nadat die spogklub se eerste span Saterdag die eindstryd teen AMH Motors WHS Old Boys met vyf paaltjies beklink het.Die APS Imperial Samsung Wanderers-span het op hul tuisveld “die ou orde herstel” nadat hy net soos die vorige twee jare boaan die liga geëindig het, maar hierdie keer nie in die finaal te kort geskiet het nie.Nicolaas Scholtz het die loot gewen en die verdedigende titelhouers ingestuur om te kolf. Op ’n ietwat ongunstige blad vir kolwers kon Old Boys (161 almal uit in 49.4 boulbeurte) net elf balle na die grenstou stuur (agt viere, drie sesse) – terwyl Wanderers se sterk kolflys later met 21 grenstoue (18x4, 3x6) geantwoord het. Wanderers het uitmunted geboul en altesame 204 balle (uit die totale 298) afgestuur waarvan Old Boys geen lopies kon aanteken nie. Shaun Fouché moes grawe om sy 28 van 60 balle te kry (twee viere) en sy aanvangsvennoot Gerhard Janse van Rensburg is uitgeboul vir 11. Malan Kruger (19) en die jong JW Visagie (19) het dubbelsyfers gehaal, maar die WHS-kaptein JP Kotzé is deur sy eweknie Nicolaas Scholtz uitoorlê om op 9 van sy eie boulwerk uitgevang te word.Zane Green het puik gekolf vir sy 45 lopies van 51 balle (3x4, 1x6) tot hy deur Nicolaas Scholtz uitgevang is, maar die later kolwers kon min bydra en vanaf 134/4 ná 35.4 het die laaste ses paaltjies vir net die byvoeging van 27 lopies geval.Wanderers se ervare nasionale linkerarm-draaibouler Bernard Scholtz het vier paaltjies vir 22 in 10 boulbeurte geneem, met drie leës en 46 balle wat geen lopies afgestaan het nie. Hy is welverdiend as speler van die wedstryd aangewys.Danie van Schoor (2/51 in 10, 36 dotballe), Nyasha Nyasha (1/27 in 8.4 vir Green se paaltjie, 34 dotballe) en Nicholaas Scholtz (1/20 in agt, een leeg, 35 dotballe) het ook tot die houvas op die Old Boys se kolflys bygedra.VYFTIG VIR BIRKENSTOCKDie voorste lopiemasjien in die liga, Niko Davin, is in die vyfde boulbeurt vir 19 deur Malan Kruger geboul, terwyl JC Balt (16) en Lo-han Louwrens (18) ook terug in die kleedkamer was met Wanderers op 76/3 ná 13.2 boulbeurte. Karl Birkenstock het hom egter ingegrawe vir 55 lopies (44 balle, 6x4, 1x6), met Nyasha ewe aanvallend ingestel op pad na sy onoorwonne 45 (31 balle, 5x4, 2x6). Nyasha het die wenlopies met ’n reguit ses oor die bouler se kop aangeteken.Old Boys se voorste boulers op die dag was Kruger (1/38 in ses), Fouché (1/19 in 6, een leeg), Donovan Zealand (1/51 in 5), Francois du Plessis (1/23 in 4) en kaptein JP Kotzé (1/17 in 3). PREMIERLIGA SE BESTESDie topses voorste lopiemakers in die afgelope premierliga:1 Niko Davin (Wanderers) 667 lopies in nege kolfbeurte (gemiddeld 83.38, kolftempo 111.9), drie honderdtalle, vier vyftigtalle2 Malan Kruger (WHS Old Boys) 317 lopies in agt kolfbeurte.3 Stephen Baard (CCD Tigers) 303 lopies in vyf kolfbeurte.4 Nyasha Nyasha (Wanderers) 268 lopies in vyf kolfbeurte.5 Shaun Fouché (WHS Old Boys) 244 lopies in ses kolfbeurte6 Karl Birkenstock (Wanderers) 228 lopies in ses kolfbeurte.&bull; Die topses voorste paaltjienemers:1 Mauritius Ngupita (CCD Tigers) 20 paaltjies, ekonomie 3.09.2 Danie van Schoor (Wanderers) 18 paaltjies, ekonomie 3.65.3 Karl Birkenstock (Wanderers) 12 paaltjies, ekonomie 3.66.4 Tawanda Sithole (CCD Tigers) 12 paaltjies, ekonomie 3.69.5 Nyasha Nyasha (Wanderers) 12 paaltjies, ekonomie 4.07.6 Michael van Lingen (Trustco United) 12 paaltjies, ekonomie 5.23.– tielman@republikein.com.na

Scholtz boulheld in Wanderers-triomf

Kommentaar

Republikein 2025-11-05

Meld asseblief aan om kommentaar te lewer

Scholtz boulheld in Wanderers-triomf

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.