Sauber en Mans klop RSA se bestes

Die gedugte Dirk Sauber van Namibië het sy vernuf opnuut gewys toe hy die 2022 Suid-Afrikaanse kampioenskap wat by Darling in die Wes-Kaap gewen het, met sy landgenoot Keiran Mans boonop algeheel tweede. Die Namibiese Praktiese Presisieskietvereniging (NPPSA) was bevoorreg om sy beste skuts te stuur. Jaco Klopper het daarin geslaag om ’n tiende plek te behaal.Vir deelname aan die tweedaagse spoggeleentheid van die Suid-Afrikaanse Presisiegeweervereniging het die Namibië Sportkommissie nasionale kleure aan Dirk Sauber, Keiran Mans, Jan (Janus) van der Merwe, Schalk van Wyk en Johannes (Liebies) Liebenberg toegeken.Kevin Fick, Jaco Kloppers, Eneill Buitendag en Thys Blaauw het as individue aangesluit.Die kompetisie is oor 16 rondtes met ’n totale maksimum telling van 131 beslis. Dirk Sauber het uiteindelik gewen met met 108 treffers en ’n aansienlike voorsprong bo sy landgenoot Keiran Mans (tweede met 100), gevolg deur Hendrik Nel van Suid-Afrika (99).Sauber het Namibië reeds betekenisvol op die kaart geplaas toe hy vroeër vanjaar ’n individuele sewende plek by die wêreldkampioenskap in Frankryk behaal het.Presisiegeweerskiet word beskryf as geweerskiet (oorhaalaksie) vanuit tot soveel as tien verskillende skietposisies, met ’n hoë aantal skote (8-12) binne ’n beperkte tyd (90-120 sekondes) met staalplate as teikens op afstande wat wissel van 250 tot 1300 meter.UITNODIGINGVir diegene wat belangstel om by die sport (PRS) in Namibië aan te sluit, is daar ’n verbintenis tot ’n inklusiewe benadering tot die ontwikkeling van die sport. Dit word bereik deur verskillende klasse wat ’n verskeidenheid vaardigheidsvlakke toelaat om teen hul eweknieë mee te ding en progressief te verbeter namate ’n mens se vaardighede en selfvertroue verbeter.Die struktuur van die klasse, dalk uniek aan NPPSA, is verdeel in die Elite, Ope, Taktiese, Vroue en Juniors asook ’n “Informele” klas waarin nuwe skuts kan aansluit en die “gevoel” kan kry deur blootgestel te word aan groter staalteikens, gewoonlik die helfte van die rondtetelling, minder vereiste posisies en toegelate “afrigting” tydens hul skietdeelname. In hierdie klas word dikwels hewig meegeding, maar die truuk is dat as jy ’n kompetisie in hierdie klas wen, word jy outomaties na die Ope-klas bevorder.Kontak gerus vir Dirk Sauber (namibia.prs@gmail.com) indien jy aan die presisiegeweerskietsport in Namibië wil deelneem.Belangstellendes kan PRS Namibia op Facebook en Instagram volg om by die geskeduleerde kompetisies of pretgeleenthede aan te sluit.Die volgende kompetisie word op 29 en 30 Oktober naby Windhoek aangebied.

Sauber en Mans klop RSA se bestes

Kommentaar

Republikein 2026-07-17

Meld asseblief aan om kommentaar te lewer

Sauber en Mans klop RSA se bestes

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.