Rooi Bulle bring hul wenbreier van 2009 terug
Klubrugby
FNB Rehoboth Rugbyklub het die aanstelling van Jood Oppermann as sy hoofafrigter vir 2024 aangekondig.
Kevin Cloete, die vaskopstut wat tot verlede jaar die eerstespan se kaptein was, het intussen sy stewels opgehang en het sy vlak 2-afrigterskursus voltooi. Cloete is as die afrigter van die tweede span aangestel.
Opperman was die afrigter van FNB Rehoboth toe hulle in 2009 die Namibië Rugbyunie (NRU) se premierliga gewen het deur Trustco United in die eindstryd te verslaan (26-19). Rehoboth het in 2010, 2011, 2012 en 2013 ook vier eindstryde op ’n streep gehaal, maar hul groot partytjies is deur FNB Wanderers, FNB Reho Falcon en FNB Western Suburbs (twee keer) bederf.
Opperman het daarna ook by Trustco United afgerig, insluitend hul titelsege van 2014, asook die Namibiese onder 20-span en as ’n konsultant vir die nasionale vrouespan. Hy neem nou die rooi span se leisels by Gerald Loubser oor.
“Welkom terug by die Rooi Bulle, Jood. Baie geluk aan Kevin Cloete. Ons sien uit na ’n wonderlike seisoen,” sê Marschell Diergaardt, die klubpresident.
Die klub het intussen ook sy algemene jaarvergadering afgehandel, wat goed bygewoon is. Diergaardt sê die strewe van almal is ooglopend dat die Rooi Bulle vanjaar verder as net die semifinale wil vorder. “Die klub speel die afgelope drie, vier jaar in die halfeindstryde en word elke keer naelskraap uitgeskakel.”
Die nuwe verkose klubbestuur is Marschell Diergaardt (president), Boytjie Eimann (visepresident), Dolfie Brendell (tesourier) enAndrea Gertze (sekretaresse). Die bykomende komiteelede is Arrie Bock, Llewellyn Samuels, Benito January, Dawleen Freygang en Tanya de Waal.
Ronaldy Majiedt is as spanbestuurder aangewys. Die vrouespan se afrigter is as Morné Lucas bevestig.
Kevin Cloete, die vaskopstut wat tot verlede jaar die eerstespan se kaptein was, het intussen sy stewels opgehang en het sy vlak 2-afrigterskursus voltooi. Cloete is as die afrigter van die tweede span aangestel.
Opperman was die afrigter van FNB Rehoboth toe hulle in 2009 die Namibië Rugbyunie (NRU) se premierliga gewen het deur Trustco United in die eindstryd te verslaan (26-19). Rehoboth het in 2010, 2011, 2012 en 2013 ook vier eindstryde op ’n streep gehaal, maar hul groot partytjies is deur FNB Wanderers, FNB Reho Falcon en FNB Western Suburbs (twee keer) bederf.
Opperman het daarna ook by Trustco United afgerig, insluitend hul titelsege van 2014, asook die Namibiese onder 20-span en as ’n konsultant vir die nasionale vrouespan. Hy neem nou die rooi span se leisels by Gerald Loubser oor.
“Welkom terug by die Rooi Bulle, Jood. Baie geluk aan Kevin Cloete. Ons sien uit na ’n wonderlike seisoen,” sê Marschell Diergaardt, die klubpresident.
Die klub het intussen ook sy algemene jaarvergadering afgehandel, wat goed bygewoon is. Diergaardt sê die strewe van almal is ooglopend dat die Rooi Bulle vanjaar verder as net die semifinale wil vorder. “Die klub speel die afgelope drie, vier jaar in die halfeindstryde en word elke keer naelskraap uitgeskakel.”
Die nuwe verkose klubbestuur is Marschell Diergaardt (president), Boytjie Eimann (visepresident), Dolfie Brendell (tesourier) enAndrea Gertze (sekretaresse). Die bykomende komiteelede is Arrie Bock, Llewellyn Samuels, Benito January, Dawleen Freygang en Tanya de Waal.
Ronaldy Majiedt is as spanbestuurder aangewys. Die vrouespan se afrigter is as Morné Lucas bevestig.
Kommentaar
Republikein
Geen kommentaar is op hierdie artikel gelaat nie