Ronaldo op pad na vyfde WB-toernooi

Die immergroen Cristiano Ronaldo, Portugal se sokkerkaptein, was weer ’n sleutelspeler in sy span se oorwinning van 2-0 Dinsdag oor Noord-Masedonië in die Portugese stad Porto.Ronaldo was die spelskepper van een van Bruno Fernandes se twee doele in die wen van 2-0, waarmee Portugal sy plek in die Wêreldbeker (WB)-toernooi later vanjaar in Katar bespreek het.Die 37-jarige doelskieter sluit hom by ’n uitgelese groep spelers aan wat aan hul vyfde WB-toernooi gaan deelneem.Hulle is die Duitser Lothar Matthaus, Rafa Marquez en Antonio Carbajal van Mexiko, asook die Italianer Gianluigi Buffon.Lionel Messi sal ook in sy vyfde WB-toernooi aantree, want Argentinië het ook vir die toernooi gekwalifiseer.Ronaldo het goeie herinneringe aan die Dragao-stadion in Porto. Dit was daar waar hy in 2004 sy eerste doel vir Portugal aangeteken het – in die openingswedstryd van die Europese kampioenskap teen Griekeland.Vyf jaar later het Ronaldo ’n lang doelpoging vir Manchester United teen Porto in ’n Kampioeneliga-wedstryd geloods om United se plek in die halfeindronde te bespreek.In 2019 in ’n Nasiesbeker-halfeindstryd teen Switserland het hy met ’n driekuns geskitter. Portugal het die eindstryd teen Nederland gewen, wat aan Ronaldo nóg ’n trofee besorg het.– Reuters, Netwerk24

Ronaldo op pad na vyfde WB-toernooi

Kommentaar

Republikein 2025-05-05

Meld asseblief aan om kommentaar te lewer

Ronaldo op pad na vyfde WB-toernooi

Kommentaar

Republikein 2025-05-05

Meld asseblief aan om kommentaar te lewer

MELD AAN

Advertensie