Riaan en Bakkies gekontrakteer
Rugby
Riaan Grové tel gewis op die immer groeiende lys van belowende uitvoerprodukte van Namibiese rugby.
Die 19-jarige Grové, wat tot nou omtrent ewe veel rugby as slot, agtsteman of flank gespeel het, sal hom binnekort met ’n tweejaarkontrak by ’n Franse klubspan aansluit.
Die oudspeler van Windhoek Hoërskool was in Meimaand ’n sleutelfiguur in die Namibiese span wat vanjaar met die silwermedalje in Rugby Afrika se Jean-Luc Barthes o.20-toernooi tevrede moes wees. Die Namibiërs het eers met 62-0 oor Ivoorkus gerol, voor verreweg hul mees indrukwekkende vertoning om Kenia met 16-5 uit te skakel. In die finaal teen Zimbabwe het heeltemal te veel foute egter ingesluip en is met veel minder toewyding by die wedstrydplan gehou, wat die jong Sables in staat gestel het om met 19-14 te wen.
Grové (1,93 meter en 105 kg) het die afgelope maande in Pretoria vir Rugby Travel Academy verteenwoordig, wat as Centurion II in die Blou Bulle se Carlton o.20-liga meeding en tans die enigste onoorwonne span ná die eerste rondte is. Sy span het twee weke gelede ook met Tukkies se Jong Guns afgereken.
Grové het intussen ’n kontrak vir twee seisoene met Stade de Aurillac se rugby-akademie beklink en sal daarheen vertrek sodra sy visum gereed is. Dié tradisieryke klub – vir wie Jacques Burger ook ’n klompie wedstryde in 2007-08 gespeel het – ding tans in Pro D2 mee, wat die tweede vlak van die professionele spel in Frankryk is.
Aurillac het vanjaar Frankryk se junior kampioenskap verower deur Toulouse in die eindstryd te klop.
BAKKIES ROSSOUW
Die 25-jarige Bakkies Rossouw se tweejaarkontrak met CSA Steaua Bucuresti in Roemenië is einde verlede week deur die rugby-agentskap Oval15 aangekondig.
Rossouw het vanaf 2018 tot verlede jaar vir die Shimlas flank gespeel. Die ouer broer van die gewese Namibiese o.18-haker JC Rossouw (later by Wanderers en nou by ’n klub in Duitsland) was in Laerskool Pionierspark voordat hy sy hoërskoolloopbaan by Grey Kollege in Bloemfontein voltooi het en in sy laaste twee skooljare die eerste span se kaptein was.
Hy het ook die Cheetahs se o.18 Cravenweekspan aangevoer en speel sedert 2018 Varsitybeker vir die Shimlas, waar hy met ’n nagraadse studie besig was. Rossouw weeg 109 kg en is 1.89 meter lank.
Die 19-jarige Grové, wat tot nou omtrent ewe veel rugby as slot, agtsteman of flank gespeel het, sal hom binnekort met ’n tweejaarkontrak by ’n Franse klubspan aansluit.
Die oudspeler van Windhoek Hoërskool was in Meimaand ’n sleutelfiguur in die Namibiese span wat vanjaar met die silwermedalje in Rugby Afrika se Jean-Luc Barthes o.20-toernooi tevrede moes wees. Die Namibiërs het eers met 62-0 oor Ivoorkus gerol, voor verreweg hul mees indrukwekkende vertoning om Kenia met 16-5 uit te skakel. In die finaal teen Zimbabwe het heeltemal te veel foute egter ingesluip en is met veel minder toewyding by die wedstrydplan gehou, wat die jong Sables in staat gestel het om met 19-14 te wen.
Grové (1,93 meter en 105 kg) het die afgelope maande in Pretoria vir Rugby Travel Academy verteenwoordig, wat as Centurion II in die Blou Bulle se Carlton o.20-liga meeding en tans die enigste onoorwonne span ná die eerste rondte is. Sy span het twee weke gelede ook met Tukkies se Jong Guns afgereken.
Grové het intussen ’n kontrak vir twee seisoene met Stade de Aurillac se rugby-akademie beklink en sal daarheen vertrek sodra sy visum gereed is. Dié tradisieryke klub – vir wie Jacques Burger ook ’n klompie wedstryde in 2007-08 gespeel het – ding tans in Pro D2 mee, wat die tweede vlak van die professionele spel in Frankryk is.
Aurillac het vanjaar Frankryk se junior kampioenskap verower deur Toulouse in die eindstryd te klop.
BAKKIES ROSSOUW
Die 25-jarige Bakkies Rossouw se tweejaarkontrak met CSA Steaua Bucuresti in Roemenië is einde verlede week deur die rugby-agentskap Oval15 aangekondig.
Rossouw het vanaf 2018 tot verlede jaar vir die Shimlas flank gespeel. Die ouer broer van die gewese Namibiese o.18-haker JC Rossouw (later by Wanderers en nou by ’n klub in Duitsland) was in Laerskool Pionierspark voordat hy sy hoërskoolloopbaan by Grey Kollege in Bloemfontein voltooi het en in sy laaste twee skooljare die eerste span se kaptein was.
Hy het ook die Cheetahs se o.18 Cravenweekspan aangevoer en speel sedert 2018 Varsitybeker vir die Shimlas, waar hy met ’n nagraadse studie besig was. Rossouw weeg 109 kg en is 1.89 meter lank.
Kommentaar
Republikein
Geen kommentaar is op hierdie artikel gelaat nie