Reuseterugslag tref Bokke met Marx uit WB-toernooi

Malcolm Marx is uit die Wêreldbeker-toernooi nadat hy ’n kruisligament tydens ’n oefening Woensdag in Toulon beseer het.Die Suid-Afrikaanse Rugbyunie (Saru) het Donderdag in ’n nuusverklaring bevestig dat Marx weens ’n langtermynkniebesering uit vanjaar se Wêreldbeker-toernooi in Frankryk is.“In die eerste plek is ons uiters teleurgesteld namens Malcolm en ons wens hom alle sterkte toe met sy herstel,” sê Jacques Nienaber, hoofafrigter van die Springbokke.“Hy het baie hard gewerk om in die beste vorm moontlik vir die toernooi te wees en dis tragies dat sy veldtog so geëindig het. As ’n span sal ons in kontak met hom bly, soos die geval met alle beseerde spelers soos Lukhanyo (Am), Handré (Pollard) en Lood (de Jager), en hom so veel as wat ons kan deur die herstelproses ondersteun.“Ons het genoeg diepte op haker met Bongi (Mbonambi) en Deon (Fourie) in die span, terwyl Marco (van Staden) ook daar geoefen het en tot dusver op al ons spanblaaie as ’n hakeropsie aangewys is. Ons sal ons behoeftes vir die res van die toernooi beoordeel en later in die week bevestig wie ons as ’n bykomende speler sal betrek.”Mbonambi en Fourie is die hakers in Sondag se Groep B-kragmeting teen Roemenië in Bordeaux.Joseph Dweba is die haker op die Bokke se Wêreldbeker-kortlys.Die Bokke het met Marx se besering wel die keuse om ’n speler soos Pollard te betrek. Hulle hoef nie ’n ander haker te kies nie.– Netwerk24

Reuseterugslag tref Bokke met Marx uit WB-toernooi

Kommentaar

Republikein 2025-09-11

Meld asseblief aan om kommentaar te lewer

Reuseterugslag tref Bokke met Marx uit WB-toernooi

Kommentaar

Republikein 2025-09-11

Meld asseblief aan om kommentaar te lewer

MELD AAN

Advertensie