Projek Wêreldbeker 2023 bevestig
Rugby
Namibiese ondersteuners is opgewonde oor die uitdaging om ontwykende sukses by die Wêreldbeker te behaal.
Die rêrige harde werk begin eers nou, is die reeds bekende boodskap vir Namibië wat afrigter Allister Coetzee in die aanloop tot die 2023 Wêreldbeker-rugbytoernooi herhaal het.
“Ons opposisie by die Wêreldbeker sal op geheel en al ’n ander vlak wees en ons het baie wat gedoen moet word, maar dis ’n opwindende projek om onsself teen Vlak 1-lande in die sport te meet,” het Coetzee in sy onderhoud ná Sondagaand se roemryke oorwinning in Aix-en-Provence, Frankryk, gesê.
Aangevuur deur ’n driekuns van die kragtige flank Wian Conradie het die Namibiese span ’n dominerende en kliniese vertoning gelewer om Kenia met 36-0 te oorheers (rustyd 15-0) en sodoende Rugby Afrika se kampioen en regstreekse kwalifiseerder vir die volgende Wêreldbeker in Frankryk te word.
’n Laaste opportunistiese drie in die 80ste minuut deur kaptein Johan Deysel wat deur Helarius Kisting se tikskoppie aangevoor is, tesame met vier strafdoele en ’n doelskop deur Cliven Loubser en ’n doelskop deur sy plaasvervanger PW Steenkamp was die wenspan se ander punte.
In ’n eensydige kragmeting het Kenia eenvoudig geen raad gehad met Namibië se oorheersing van die gebiedsvoordeel te danke aan die hegte verdedigingslyn en die beheersde skopspel van Damian Stevens en Cliven Loubser nie.
Die Leeus-heelagter Divan Rossouw is as speler van die wedstryd aangewys vir ’n indrukwekkende vertoning onder die hoë bal, as teenaanvaller en as taktiese skopper.
Die haker Torsten van Jaarsveld was nog een van die span se verskeie formidabele spelers in die toernooi, wat benewens sy ander take veral as stormram uitgemunt het.
“Dit was ’n taai toernooi; jy moet steeds opdaag en dit kom wen. Ons het binne ’n kort tydjie die groep as ’n span saamgesnoer en ek is baie trots op die prestasie om hierdie toernooi te wen,” het Coetzee bygevoeg.
In die rugbywêreld is dit geen geheim dat Namibië die meulsteen om sy nek dra dat hy in sy ses Wêreldbekers sover nog nie ’n oorwinning kon smaak nie – hoewel dit realisties is dat dié status teen Uruguay verander kan word.
“Die volgende stap is vir die hele land om agter die span te verenig en om die nodige hulpbronne bymekaar te sit wat nodig is om hierdie projek te dryf,” het Coetzee gesê.
Namibië se bevestigde wedstrydprogram by volgende jaar se spogtoernooi is dus soos volg:
9 September 2023: teen Italië in Saint-Etienne
15 September 2023: teen Nieu-Seeland in Toulouse
21 September 2023: teen Frankryk in Marseille
27 September 2023: teen Uruguay in Décines-Charpieu
• Vir Kenia lê ’n onwaarskynlike pad na die 20ste en laaste kwalifiserende posisie steeds oop in ’n toernooi in November, hoewel hy tevore met sterker spanne nie die mas opgekom het teen die beste naaswenners van die ander vastelande nie.
Tonga, die VSA, Chili en Portugal het ’n veel gunstiger kans om op dié manier tot die Wêreldbeker se groep D saam met Australië, Fidji, Georgië en Wallis deur te dring.
“Ons opposisie by die Wêreldbeker sal op geheel en al ’n ander vlak wees en ons het baie wat gedoen moet word, maar dis ’n opwindende projek om onsself teen Vlak 1-lande in die sport te meet,” het Coetzee in sy onderhoud ná Sondagaand se roemryke oorwinning in Aix-en-Provence, Frankryk, gesê.
Aangevuur deur ’n driekuns van die kragtige flank Wian Conradie het die Namibiese span ’n dominerende en kliniese vertoning gelewer om Kenia met 36-0 te oorheers (rustyd 15-0) en sodoende Rugby Afrika se kampioen en regstreekse kwalifiseerder vir die volgende Wêreldbeker in Frankryk te word.
’n Laaste opportunistiese drie in die 80ste minuut deur kaptein Johan Deysel wat deur Helarius Kisting se tikskoppie aangevoor is, tesame met vier strafdoele en ’n doelskop deur Cliven Loubser en ’n doelskop deur sy plaasvervanger PW Steenkamp was die wenspan se ander punte.
In ’n eensydige kragmeting het Kenia eenvoudig geen raad gehad met Namibië se oorheersing van die gebiedsvoordeel te danke aan die hegte verdedigingslyn en die beheersde skopspel van Damian Stevens en Cliven Loubser nie.
Die Leeus-heelagter Divan Rossouw is as speler van die wedstryd aangewys vir ’n indrukwekkende vertoning onder die hoë bal, as teenaanvaller en as taktiese skopper.
Die haker Torsten van Jaarsveld was nog een van die span se verskeie formidabele spelers in die toernooi, wat benewens sy ander take veral as stormram uitgemunt het.
“Dit was ’n taai toernooi; jy moet steeds opdaag en dit kom wen. Ons het binne ’n kort tydjie die groep as ’n span saamgesnoer en ek is baie trots op die prestasie om hierdie toernooi te wen,” het Coetzee bygevoeg.
In die rugbywêreld is dit geen geheim dat Namibië die meulsteen om sy nek dra dat hy in sy ses Wêreldbekers sover nog nie ’n oorwinning kon smaak nie – hoewel dit realisties is dat dié status teen Uruguay verander kan word.
“Die volgende stap is vir die hele land om agter die span te verenig en om die nodige hulpbronne bymekaar te sit wat nodig is om hierdie projek te dryf,” het Coetzee gesê.
Namibië se bevestigde wedstrydprogram by volgende jaar se spogtoernooi is dus soos volg:
9 September 2023: teen Italië in Saint-Etienne
15 September 2023: teen Nieu-Seeland in Toulouse
21 September 2023: teen Frankryk in Marseille
27 September 2023: teen Uruguay in Décines-Charpieu
• Vir Kenia lê ’n onwaarskynlike pad na die 20ste en laaste kwalifiserende posisie steeds oop in ’n toernooi in November, hoewel hy tevore met sterker spanne nie die mas opgekom het teen die beste naaswenners van die ander vastelande nie.
Tonga, die VSA, Chili en Portugal het ’n veel gunstiger kans om op dié manier tot die Wêreldbeker se groep D saam met Australië, Fidji, Georgië en Wallis deur te dring.
Kommentaar
Republikein
Geen kommentaar is op hierdie artikel gelaat nie