Plek in topagt bly in Minz se visier

Olaf MuellerAfrigter Andreas Minz se Namibiese mansvuisbalspan sal Saterdag in die openingswedstryd by die Wêreldkampioenskap vir mans in Mannheim, Duitsland, teen die gasheerspan en wêreldtitelhouer in aksie wees.In sy speeldae was Minz by drie Wêreldbekers en as afrigter het sy junior spanne aan vyf deelgeneem.Olaf Mueller van ons susterkoerant Allgemeine Zeitung het ’n paar vrae aan Minz gerig.AZ: “Duitsland, die huidige WB-kampioen, wag vir julle in die eerste wedstryd en spog reeds met 12 wêreldtitels. Dan is daar Switserland met twee silwer- en een bronsmedalje en Italië wat al vyfde geëindig het. Wat verwag jy van die kompetisie en jul vertoning?”Minz: “Eerstens is ek bly dat ons met die 2019 WB in Switserland daarin geslaag het om die agtste plek te behaal en sodoende in die boonste groep geëindig het.“Ons doelwit is om minstens die agtste plek te behou. Enigiets beter as dit sal wonderlik vir Namibië wees.”AZ: “Die openingswedstryd teen Duitsland gaan ’n taai een wees. Jy het onlangs van die Duitse spelers as gaste gehad, wat hul ervaring en kennis met julle gedeel het. Wat dink jy kan Namibië doen om die gunstelinge van stryk te bring?”Minz: “’n Skokoorwinning teen die gunstelinge lyk buite die kwessie. Ons doelwit moet wees om ’n goeie wedstryd met ambisie te speel, met veggees en ’n wil om die toeskouers op goeie spel te trakteer.”AZ: “Volgende kom Italië en Switserland aan die beurt. Wat verwag jy van dié twee teenstanders?”Minz: “Indien die spangees reg is, kan ons Italië klop. Maar dan moet alles regtig in ons guns loop! As ons verloor, is dit steeds nie die einde van die wêreld nie, want ons kan in die beslissende wedstryde teen ’n Groep D-span terugveg.“Teen Switserland het ons geen kans nie. Dieselfde geld hier as teen Duitsland. Dis baie belangrik dat ons spangees ons deurdra.”AZ: “Na watter botsing sien jy persoonlik die meeste uit?”Minz: “Elke kragmeting. Maar eerlikwaar, ek kan eers ná die wedstryde tevrede wees as die span aan my verwagtinge voldoen het.”AZ: “Julle sal in Duitsland wees vir ’n paar dae voordat die WB afslaan. Wat het jy beplan vir die vrye tyd, behalwe om voor te berei?”Minz: “Ons sal by ons spanmaat Gian Rudoph se Duitse klub (MTV Vorsfelde) oefen. Gian het ’n wonderlike program saamgestel wat ons toelaat om ontspan en te oefen.”Minz (58) is in Windhoek gebore en bestuur sy eie besigheid in motorherstelwerk. Hy is tans by die Cohen-vuisbalklub betrokke en het as 13-jarige begin vuisbal speel.– tielman@republikein.com.na

Plek in topagt bly in Minz se visier

Kommentaar

Republikein 2025-11-05

Meld asseblief aan om kommentaar te lewer

Plek in topagt bly in Minz se visier

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.