Oorsese geur vir T20-franchises

Krieket Namibië se Richelieu T20-franchisereeks keer dié naweek terug met vier splinternuwe spanne wat meeding om die eindstryd op Sondagnamiddag 24 September te haal. Alle wedstryde in die reeks vind by die Unitedveld in Olympia plaas waar die Etosha Wildcats, Fish River Eagles, Namib Desert Lions en die Windhoek Jets mekaar gaan pak.Die Richelieu T20-toernooi dien as ’n vertoonvenster vir Namibiese klubspelers en nege junior Eagles om hul vernuf ten toon te stel en te wys dat hulle hul spelvlak tot dieselfde hoogtes as die elite senior nasionale spanlede kan lig. Pierre de Bruyn, hoofafrigter van die Richelieu Eagles, sal vir die volgende twee weke met ’n kritiese arendsoog die talent dophou. Die naatbouler Junior Kariata is byvoorbeeld dié week saam met die senior Eagles op toer om die Titans in Gauteng te takel, nadat hy onlangs uitstekende vertonings in Tanzanië gelewer het om Namibië vir die o.19 Wêreldbeker te help kwalifiseer.’n Opwindende toevoeging is dat ses spelers van die Lahore Qalandars van Pakistan, twee van Jersey se nasionale span en vier van Suid-Afrika aan die kompetisie ’n internasionale geur sal besorg. Die vier uit die RSA kwalifiseer almal om vir Namibië gekies te word, het Krieket Namibië se mnr. Johan Muller gesê.Die samestelling van die vier franchises verseker dat die kompetisie propvol mededingende en aksiebelaaide krieket wees. DIE SPANNEEtosha Wildcats: Michael van Lingen, JJ Smit, Nicol Loftie-Eaton, Bernard Scholtz, Ben Shikongo (almal Namibië senior Eagles), Hanro Badenhorst (Namibië o.19), JP Kotzé (WHS Old Boys), George Richardson (Jersey), Nico Pieters, Tangi Nuuyoma (Welwitschias), Dewald Nell (Wanderers), Taha Mehmood, Usman Khalid (beide Qalanders). Fish River Eagles: Ruben Trumpelmann, Stephen Baard, Michau du Preez, Helao Ya France (almal Namibië senior Eagles), JW Visagie, Zacheo van Vuuren (beide Namibië o.19), Malan Kruger (WHS Old Boys), Lawrence Lawer (RSA), Ahsen Bhatti (Qalanders), Arnaud du Plessis (RSA), Addo Ita, Nyasha Nyasha (Wanderers), Henry van Wyk (United). Namib Desert Lions: Gerhard Erasmus, Karl Birkenstock, Tangeni Lungameni (almal Namibië senior Eagles), Ryan Moffett, Alexander Volschenk, PD Blignaut, Wouter Niehaus (almal Namibië o.19), Handré Klazinga (United), Dylan Leicher (WHS Old Boys), Julius Sumerauer (Jersey), Kristen Louw (RSA), Salman Fayyaz, Muhammad Naeem (beide Qalanders).Windhoek Jets: Niko Davin, Divan la Cock, Jan Frylinck, Zane Green, Shaun Fouché (almal Namibia senior Eagles), Hansie de Villiers, Junior Kariata (beide Namibië o.19), Erich von Mollendorff (RSA), Simon Shikongo, Joshuan Julius (CCD Tigers), JC Balt (Wanderers), Faridoun Jaffery (Qalanders). DIE PROGRAM (wedstryde begin 09:45 of 14:45 by United)Vrydag 15 September (14:45) Jets tn Lions. Saterdag 16 September (09:45) Wildcats tn FR Eagles. (14:45) Jets tn Wildcats.Sondag 17 September (09:45) FR Eagles tn Jets. (14:45) Lions tn Wildcats.Woensdag 20 September (14:45) Lions tn Wildcats. Donderdag 21 September (09:45) Lions tn FR Eagles. (14:45) Jets tn Wildcats.Vrydag 22 September (14:45) Jets tn FR Eagles.Saterdag 23 September (09:45) Jets tn Lions. (14:45) Wildcats tn FR Eagles.Sondag 24 September (09:45) FR Eagles tn Lions. (14:45) Eindstryd.– tielman@republikein.com.na

Oorsese geur vir T20-franchises

Kommentaar

Republikein 2025-05-01

Meld asseblief aan om kommentaar te lewer

Oorsese geur vir T20-franchises

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie