Old Boys weer bo ná groot sege

Met ’n kolftotaal van net 107/6 in 20 boulbeurte het die CCD Tigers hulself min wenkans gegun in gistermiddag se Krieket Namibië T20 premierliga-wedstryd by die Wanderers-veld.WHS Old Boys het die wedstryd met tien paaltjies gewen en het presies tien boulbeurte nodig gehad om die paar lopies aan te teken.CCD se topvyf kolwers het almal net so effens uit die blokke gekom voordat hulle hul paaltjies verloor het. Die aanvangspaar Joshuan Julius (11 van 13 balle) en Ryan Moffett (17 van 23 balle) is gevolg deur die kaptein Nicol Loftie-Eaton (28 van 23 balle), Norbert Manyande (26 van 33 balle) en Tawanda Sithole (18 nie uit nie van 21 balle).Manyande het die enigste ses van die beurt geslaan, waarin Old Boys se boulers net vyf ekstras (foutballe) afgestaan het.Die jong Zacheo van Vuuren was die Old Boys se toonaangewende aanvallende bouler met 3/28 in sy vier boulbeurte. Die senior manne Tangeni Lungameni (0/17 in 4), Gerhard Erasmus (0/18 in 4), Shaun Fouché (1/20 in 4) en Henry van Wyk (1/16 in 3) het druk op CCD gehelp volhou.Die kolfkrag van WHS Old Boys was ook te veel, met die aanvangspaar JP Kotzé (55 nie uit nie van 28 balle, vier viere en vier sesse) en Malan Kruger (48 nie uit nie van 32 balle (3x4 3x6) wat die veldwerkers gereeld rondgejaag het.Met dié uitslag is Old Boys terug in die saal en onoorwonne ná vyf wedstryde (20 punte). Hulle het reeds een keer teen die titelhouer Samsung Imperial Wanderers (16 ná vyf) gewen. United is nou derde (4 punte) en CCD (0) het elk van sy vyf wedstryde verloor.&bull; Die samevatting van die naweek se ander drie wedstryde, insluitende Wanderers se sewe gister waarin JC Balt ’n honderdtal geslaan het, is binne in Sport Wrap.

Old Boys weer bo ná groot sege

Kommentaar

Republikein 2025-05-05

Meld asseblief aan om kommentaar te lewer

Old Boys weer bo ná groot sege

Kommentaar

Republikein 2025-05-05

Meld asseblief aan om kommentaar te lewer

MELD AAN

Advertensie