Oekraïne vasbeslote om Rusland, Belarus te verbied

Oekraïne hoop om weens die oorlog teen Rusland internasionale steun te werf om atlete van Rusland en Belarus by die Olimpiese Spele in 2024 te verbied.Wadim Hoettsait (51), Oekraïne se sportminister, sê die gedagte om atlete van Rusland en Belarus toe te laat om as neutrale deelnemers mee te ding is onaanvaarbaar.“Dis vir ons onmoontlik om dit te aanvaar te midde van die volskaalse oorlog waarin ons atlete, ons soldate, ons vaderland verdedig,” sê Hoettsait.Die Internasionale Olimpiese Komitee (IOK) het verlede week gesê dat atlete van Rusland en Belarus in 2024 as neutrale deelnemers aan die Spele in Parys mag deelneem.Rusland het Dinsdag gesê hy verwelkom enige stappe deur die IOK om sy atlete toe te laat om aan die Spele deel te neem. Die IOK het egter ure later gesê hy steun die sanksies wat Westerse lande teen Rusland ingestel het.Volgens Hoettsait, ’n Olimpiese gouemedaljewenner in 1992, het minstens 220 Oekraïense atlete tot dusver in die oorlog gesterf.“Oekraïne sal saam met baie ander lande staan om dit (die Russe se deelneem) nie toe te laat nie,” sê hy en voeg by dat 40 lande gedurende die oorlog huisvesting en oefengeriewe aan Oekraïense atlete oorsee verskaf het.Daar was tot dusver nog min openbare steun vir ’n verbod op die Russiese deelname in Parys. – Reuters, Netwerk24

Oekraïne vasbeslote om Rusland, Belarus te verbied

Kommentaar

Republikein 2025-11-05

Meld asseblief aan om kommentaar te lewer

Oekraïne vasbeslote om Rusland, Belarus te verbied

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.