O.20’s vou in ­Afcon-aanslag

Erastus Brazzy Joseph van Namibië word uitgedaag deur Mohau Lenity ­Nkota van Suid-Afrika tydens die spanne se ontmoeting gister in Eswatini in die kwalifiserende sokkertoernooi vir die onder 20 Afrika Nasiebeker (Afcon), wat volgende jaar in Egipte voorlê. Suid-Afrika het met 5-2 gewen, nadat die junior Bafana Bafana rustyd met 2-1 voorgeloop het. Die Namibiërs se doele is deur A. Van Wyk en L. Doëseb aangeteken. Die nederlaag is egter hul tweede van die toernooi, nadat hulle reeds met 1-0 deur Comore geklop is. Namibië het nog een kragmeting môre teen Malawi oor (15:30).

• Foto Samuel Shivambu/BackpagePix