NMH se sportuitsendings bereik rekordgetal kykers
Bereik meer as 80 000 mense
Die uitvoerende hoof van NMH het dit as 'n nuwe mylpaal beskryf wat wys die mediahuis het "werklik die veranderende medialandskap tegemoet gekom".
Namibia Media Holdings (NMH), die land se grootste mediagroep in private besit, het die afgelope naweek meer as 80 000 mense bereik deur die regstreekse dekking van skolesportgeleenthede, insluitend netbal- en rugbywedstryde.
Mnr. Albe Botha, uitvoerende hoof van NMH, het dit as ‘n nuwe mylpaal beskryf wat wys die mediahuis het “werklik die veranderende medialandskap tegemoet gekom”.
“Benewens ons televisiekanaal NTV op DStv kanaal 285 en kanaal 94 op GOtv, het ons ons wydreikende sosialemediaplatforms gebruik om te verseker dat ons al hierdie geleenthede in yskoue weer kon dek,” het Botha opgemerk.
Sportgeleenthede wat die naweek uitgesaai is, het die Capricorn-skolenetballiga vir o.12 tot o.19 by Windhoek Gimnasium ingesluit, waar meer as 15 uur se regstreekse netbalwedstryde gedek is.
Botha het aan NMH se publikasies gesê die regstreekse dekking van die netbalwedstryde het 20 000 kykers binne én buite Namibië bereik.
Dít, het hy bygevoeg, is “danksy NTV, die verskeie NMH-publikasies soos My Zone, Sport Wrap, Republikein en Namibian Sun se sosialemediaplatforms (Facebook en YouTube), sowel as die aanlyn platform oneupwto.com. ’n Toegewyde span van 10 mense het Vrydag en Saterdag hierdie netbalwedstryde gedek.”
HOOGTEPUNTE
Benewens die bogenoemde is Standard Bank Namibië skolesport-rugbyliga (NSSR) se wedstryde in beide Windhoek en Swakopmund op NTV en die maatskappy se sosialemediaplatforms gedek.
“Ons het meer as 18 000 mense op hierdie platforms vir dié twee wedstryde bereik. Dit is deel van ons volgehoue dekking van skolerugby, waardeur ons vanjaar meer as 200 000 mense by verskillende geleenthede bereik het,” het Botha gesê.
Hy het bygevoeg “die hoogtepunt van die naweek was die halfeindronde van die Namibië Rugby Unie (NRU)-rugbyliga, wat in Windhoek en Walvisbaai plaasgevind het. Al vier semifinaliste word deur FNB geborg, wat ook die ankerborg van ons sportbyeenkomste is.”
Wanderers en Unam sal mekaar in die premierliga-eindstryd takel nadat hulle hul onderskeie semifinale teen Rehoboth en Kudus gewen het.
“NRU-rugby het die afgelope naweek weer ‘n nuwe rekord in terme van reikwydte op ons platforms behaal, waar ons meer as 50 000 mense tydens ons uitsending van die wedstryde op NTV en ons sosialemediaplatforms bereik het. Dit wys Namibiërs se entoesiasme vir sport en veral rugby,” het Botha gesê.
Hy het bygevoeg ’n toegewyde span NMH-sportjoernaliste het verskeie ander sportbyeenkomste gedek.
INTERNETVERBINDING
NMH het so ver terug as 2016 internet-gebaseerde tegnologie begin gebruik om geleenthede regstreeks te dek en het die kuns langs die pad vervolmaak.
“Ons het ‘n lang pad gestap en ons dekking van meer as 400 uur se regstreekse sport vanjaar alleen dien as bewys van ons toewyding tot die bevordering van sport in ons land,” het Botha gesê.
Hy het egter erken swak internetverbinding by sommige plekke is een van die uitdagings wat die maatskappy tydens sy uitsendings in die gesig staar.
– [email protected]
Mnr. Albe Botha, uitvoerende hoof van NMH, het dit as ‘n nuwe mylpaal beskryf wat wys die mediahuis het “werklik die veranderende medialandskap tegemoet gekom”.
“Benewens ons televisiekanaal NTV op DStv kanaal 285 en kanaal 94 op GOtv, het ons ons wydreikende sosialemediaplatforms gebruik om te verseker dat ons al hierdie geleenthede in yskoue weer kon dek,” het Botha opgemerk.
Sportgeleenthede wat die naweek uitgesaai is, het die Capricorn-skolenetballiga vir o.12 tot o.19 by Windhoek Gimnasium ingesluit, waar meer as 15 uur se regstreekse netbalwedstryde gedek is.
Botha het aan NMH se publikasies gesê die regstreekse dekking van die netbalwedstryde het 20 000 kykers binne én buite Namibië bereik.
Dít, het hy bygevoeg, is “danksy NTV, die verskeie NMH-publikasies soos My Zone, Sport Wrap, Republikein en Namibian Sun se sosialemediaplatforms (Facebook en YouTube), sowel as die aanlyn platform oneupwto.com. ’n Toegewyde span van 10 mense het Vrydag en Saterdag hierdie netbalwedstryde gedek.”
HOOGTEPUNTE
Benewens die bogenoemde is Standard Bank Namibië skolesport-rugbyliga (NSSR) se wedstryde in beide Windhoek en Swakopmund op NTV en die maatskappy se sosialemediaplatforms gedek.
“Ons het meer as 18 000 mense op hierdie platforms vir dié twee wedstryde bereik. Dit is deel van ons volgehoue dekking van skolerugby, waardeur ons vanjaar meer as 200 000 mense by verskillende geleenthede bereik het,” het Botha gesê.
Hy het bygevoeg “die hoogtepunt van die naweek was die halfeindronde van die Namibië Rugby Unie (NRU)-rugbyliga, wat in Windhoek en Walvisbaai plaasgevind het. Al vier semifinaliste word deur FNB geborg, wat ook die ankerborg van ons sportbyeenkomste is.”
Wanderers en Unam sal mekaar in die premierliga-eindstryd takel nadat hulle hul onderskeie semifinale teen Rehoboth en Kudus gewen het.
“NRU-rugby het die afgelope naweek weer ‘n nuwe rekord in terme van reikwydte op ons platforms behaal, waar ons meer as 50 000 mense tydens ons uitsending van die wedstryde op NTV en ons sosialemediaplatforms bereik het. Dit wys Namibiërs se entoesiasme vir sport en veral rugby,” het Botha gesê.
Hy het bygevoeg ’n toegewyde span NMH-sportjoernaliste het verskeie ander sportbyeenkomste gedek.
INTERNETVERBINDING
NMH het so ver terug as 2016 internet-gebaseerde tegnologie begin gebruik om geleenthede regstreeks te dek en het die kuns langs die pad vervolmaak.
“Ons het ‘n lang pad gestap en ons dekking van meer as 400 uur se regstreekse sport vanjaar alleen dien as bewys van ons toewyding tot die bevordering van sport in ons land,” het Botha gesê.
Hy het egter erken swak internetverbinding by sommige plekke is een van die uitdagings wat die maatskappy tydens sy uitsendings in die gesig staar.
– [email protected]
Kommentaar
Republikein
Geen kommentaar is op hierdie artikel gelaat nie