Net kritiek oor Chisora glo nou in Tyson Fury se visier is
Boks
Derek Chisora se naam word ook nou skielik as ’n moontlike teenstander vir Tyson Fury genoem.
Volgens die promotor Eddie Hearn is Chisora Vrydag ’n kontrak aangebied om op 3 Desember teen Fury in Londen te boks.
Hearn was briesend oor dié nuwe wending, want hy hoop steeds sy bokser, Anthony Joshua, sal wel teen Fury te staan kom.
Fury het verlede week gesê Joshua en Hearn neem te lank om die kontrak te teken en dat hy nie meer teen Joshua wil boks nie.
Hy het toe daarop gesinspeel dat hy eerder teen Mahmoud Charr, ’n Siriër wat in Duitsland woon, gaan boks.
Toe Charr Maandag hoor dat Chisora ook nou skielik in die prentjie is, het hy sy mond behoorlik uitgespoel.
“Tyson Fury, jy is ewe pateties as Anthony Joshua. Jy het almal vertel jy wil teen my baklei, maar nou gedra jy jou soos ’n eend,” het Charr onder meer gesê.
Fury het reeds twee keer teen Chisora geboks. In 2011 het hy sy Britse landgenoot met punte geklop en in 2014 wou Chisora se helpers nie dat hy vir die 11de ronde uitkom nie.
Chisora was in Julie vanjaar laas in aksie toe hy ’n opwindende geveg teen Kubrat Pulev van Bulgarye met punte gewen het.
Volgens Hearn maak ’n geveg teen Chisora glad nie sin nie.
“As Fury dan nie teen Joshua wil boks nie, wat van Joe Joyce?” wou hy weet.
Joyce het Joseph Parker van Nieu-Seeland onlangs in die 11de ronde uitgeslaan en word oral as een van die beste swaargewigte in die wêreld beskou.
Hearn het ook ’n hou na Bob Arum, Fury se 90-jarige promotor, ingekry
“As jy vir Bob Arum vra watter dag van die week dit is, is daar ’n 50% kans dat hy verkeerd gaan antwoord,” het Hearn gesê.
– Boxing Scene, Boxing News 24
Volgens die promotor Eddie Hearn is Chisora Vrydag ’n kontrak aangebied om op 3 Desember teen Fury in Londen te boks.
Hearn was briesend oor dié nuwe wending, want hy hoop steeds sy bokser, Anthony Joshua, sal wel teen Fury te staan kom.
Fury het verlede week gesê Joshua en Hearn neem te lank om die kontrak te teken en dat hy nie meer teen Joshua wil boks nie.
Hy het toe daarop gesinspeel dat hy eerder teen Mahmoud Charr, ’n Siriër wat in Duitsland woon, gaan boks.
Toe Charr Maandag hoor dat Chisora ook nou skielik in die prentjie is, het hy sy mond behoorlik uitgespoel.
“Tyson Fury, jy is ewe pateties as Anthony Joshua. Jy het almal vertel jy wil teen my baklei, maar nou gedra jy jou soos ’n eend,” het Charr onder meer gesê.
Fury het reeds twee keer teen Chisora geboks. In 2011 het hy sy Britse landgenoot met punte geklop en in 2014 wou Chisora se helpers nie dat hy vir die 11de ronde uitkom nie.
Chisora was in Julie vanjaar laas in aksie toe hy ’n opwindende geveg teen Kubrat Pulev van Bulgarye met punte gewen het.
Volgens Hearn maak ’n geveg teen Chisora glad nie sin nie.
“As Fury dan nie teen Joshua wil boks nie, wat van Joe Joyce?” wou hy weet.
Joyce het Joseph Parker van Nieu-Seeland onlangs in die 11de ronde uitgeslaan en word oral as een van die beste swaargewigte in die wêreld beskou.
Hearn het ook ’n hou na Bob Arum, Fury se 90-jarige promotor, ingekry
“As jy vir Bob Arum vra watter dag van die week dit is, is daar ’n 50% kans dat hy verkeerd gaan antwoord,” het Hearn gesê.
– Boxing Scene, Boxing News 24
Kommentaar
Republikein
Geen kommentaar is op hierdie artikel gelaat nie