Nelandre, JJ vat Wanderers se hoofpryse

Die krieketspeler JJ Smit en die netbalspeler Nelandre Mostert is as Wanderers-sportklub se sportman en sportvrou vir 2022 vereer.

Smit het strawwe kompetisie te bowe gekom om die topprys in te palm bo nog ’n muurbalspeler, Max Endjala (naaswenner, topgekeurde manspeler in die land), asook Christo van der Merwe, kaptein van die eerste rugbyspan van FNB Wanderers wat vanjaar die Namibië Rugby-unie se premierliga-titel verower het. Die Namibiese Ope-kampioen in tafeltennis, Wayne Green, en die hokkiespeler Brandon Lensen was ook benoem.

Smit, wat nie die naweek se toekenningsdinee kon bywoon nie omdat hy saam met die Namibiese Eagles in Australië vir die komende T20 Wêreldbeker is, het in ’n videoboodskap sy waardering uitgespreek en gesê hy is baie lief vir Wanderers.

Die hoogtepunte van Smit se sportjaar het onder meer deelname aan Namibië se T20 Wêreldbeker-debuutverskyning verlede jaar in die Emirate ingesluit, waar die Eagles vriend en vyand verras het deur tot die Supertwaalffase deur te dring en daarna boonop ’n oorwinning teen Ierland te behaal.

Hoewel hy met tye ’n stryd teen ’n knaende kniebesering moes voer, het hy steeds bygedra deur onder meer afrigting van junior spanne, of as kaptein van Wanderers se eerste span, of bystand in die netoefeninge.

• Nelandre Mostert se onlangse hoogtepunte sluit in dat sy die nasionale netbalspan, die Debmarine Desert Jewels, die afgelope twee jare onder meer by die Afrika-kampioenskap en Wêreldbeker-uitduntoernooi verteenwoordig het.

Die gewese Namibiese o.21- en Matiesspeler in die Varsitybeker was ook ’n staatmaker vir Wanderers se eerste span.

Haar prestasies is hoër gereken as die naaswenner britta Haensel (hokkie), Adri Lambert (muurbal) en Mandie van Staden (rugby).

As kategoriewenners het Smit en Mostert elkeen met ’n kroegyskas van Nictus/Defy, asook ’n kontantprys van N$5 000 van Allbet Sports Betting weggestap.

JUNIOR SPORTMAN EN -VROU

Dené van Zyl se opgang as muurbalspeler het haar vanjaar reeds onder meer die SA Skole o.16-titel, die Suid-Afrikaanse o.17-kampioenskap en die Growth Point interprovinsiale o.17-titel besorg. Die tienermeisie is ook die jongste wenner in die geskiedenis van die Namibiese Ope.

Sy het die toekenning as Wanderers se junior sportvrou van die jaar beklink bo die ander finaliste Daniela Walder (hokkie), Janika Biederlack (tafeltennis) en Shandre Jantjies (rugby).

• Die talfeltennisspeler Maximilian Bock is as junior sportman van die jaar bekroon. Hy het die Namibiese span verlede jaar in Botswana, asook by vanjaar se Streek 5-kampioenskap verteenwoordig. Hy het ook onlangs die o.18-manstitel by die Namibiese jeugkampioenskap verower.

Bock het die prys beklink voor JC Balt (krieket), Franco Lambert (muurbal), Dano Kotze (rugby) en Ruben Smith (hokkie).

Bock en Van Zyl is elkeen met N$2 500 van Momentum STI beloon.

ANDER KATEGORIEWENNERS

Beste vordering, mans: Erik Strauss (rugby). Ander finaliste: Janre Olivier (muurbal), Jorn Erdmannsky (hokkie), JC Balt (krieket), Caden Bosman (tafeltennis).

Beste vordering, vroue: Benita Helao (netbal). Ander finaliste: Jacky Steenkamp (muurbal), Waendy Haimdongo (rugby).

Beste nuweling (N$5 000 van Visions Consulting): Simone Cochrane (netbal, matriekmeisie in WHS). Ander finaliste: André van der Berg (rugby), Vasti Oelofse (muurbal), Xander van Rooyen (hokkie), Suné Wittmann (rugby).

Mees toegewyde Wanderers-lid / Beste klubambassadeur: JJ Smit (krieket). Ander finaliste: Steven Berry (muurbal), Maryke Short (hokkie), Hannes Krynauw (tafeltennis), Memory Tjivikua (rugby).

Afrigter van die jaar: Rohan Kitshoff (rugby). Ander finaliste: Sean Wathen (muurbal), Maryke Short (hokkie).

Subkode van die jaar: Rugby – geskiedkundige wenners van drie nasionale klubtitels in die NRU premierliga, reserweliga en vroueliga. Ander finaliste: muurbal, krieket, hokkie.

Kodevoorsitter van die jaar: Willem van Zyl (rugby).

Lang aktiewe diens as lede (almal 20 jaar): Nicolaas Scholtz, Tiaan Louw, Andrew Louw, Pieter Rossouw, Rudi Koekemoer, Adri Lambert, Greg Moore, Steven Berry, André de Jager, Herlu Pretorius, Gwen Lister, Lientjie Koekemoer, Sunette Burden, Juané Louw.

Lang aktiewe diens as lede (almal 30 jaar): Tienie Botha, Gerdus Louwrens (beide muurbal), Flip Louw (rugby).

Lang aktiewe diens as klublid (40 jaar): Johan Kaber (muurbal).

Erelidmaatskap: Eric Eagleton (60 jaar), Liefa van Wyk (50 jaar), Jurie Louw (49 jaar), Dagga Engelbrecht (40 jaar), Wynand Louw (39 jaar), Abe Louw (39 jaar), Trevor Berry, Francois Erasmus, Niel Rossouw, Danie van der Merwe, Johan Kotze, Deon Kotzé, Attie Samuelson, Heinie Prinsloo, Alberto Engelbrecht, Oosie Oosthuizen.