Nel sit MSA F4 ronde twee uit
Die Namibiër Adriaan Nel sal nie eerskomende naweek aan die Investchem MSA F4-reeks deelneem nie weens "ander plaaslike verpligtinge", deel die renjaer op sy sosiale media. Nel sê sy "goeie vriend en ervare renjaer", Siyabonga Athi Mankonkwana, sal vir die tweede ronde van hierdie reeks in sy plek deelneem.
"Siyabonga het al aan verskeie seisoene van Formule 1600 deel geneem en bring 'n rykdom van ervaring en passie na die span. Ek is vol vertroue dat hy hom goed van sy taak sal kwyt en ek wens hom alle sterkte toe," deel Nel.
Dít volg na Nel in die geheel vyfde geëindig het in die eerste ronde van hierdie reeks by die Zwartkops-baan in Centurion, Suid-Afrika. Die tweede ronde vind Saterdag plaas in Oos-Londen, Suid-Afrika. Nel word weer in September terug agter die stuur verwag wanneer die derde ronde op 13 September by Killarney in Kaapstad sal plaasvind.
Foto verskaf
– Iréne-Mari van der Walt
"Siyabonga het al aan verskeie seisoene van Formule 1600 deel geneem en bring 'n rykdom van ervaring en passie na die span. Ek is vol vertroue dat hy hom goed van sy taak sal kwyt en ek wens hom alle sterkte toe," deel Nel.
Dít volg na Nel in die geheel vyfde geëindig het in die eerste ronde van hierdie reeks by die Zwartkops-baan in Centurion, Suid-Afrika. Die tweede ronde vind Saterdag plaas in Oos-Londen, Suid-Afrika. Nel word weer in September terug agter die stuur verwag wanneer die derde ronde op 13 September by Killarney in Kaapstad sal plaasvind.
Foto verskaf
– Iréne-Mari van der Walt
Kommentaar
Republikein
Geen kommentaar is op hierdie artikel gelaat nie