Napso hoogs tevrede met toeruitslae in RSA

Die Namibiese Privaatskole-organisasie (Napso) het ’n geskiedkundige mylpaal bereik deur sy eerste wintersporttoer na Suid-Afrika met twee hokkiespanne, twee rugbyspanne en twee netbalspanne te onderneem. Dit was ’n ongelooflike sukses en die groep was geseënd dat geen probleme op ’n toer van 4 000 km of dissiplinêre probleme met die spelers ondervind is nie, benewens minimale beserings en puik uitslae. Die organiseerders bedank Securitas wat die spandrag van al die spanne en spanbestuur geborg het. Die toergroep het bestaan uit 96 spelers, 17 beamptes en drie busdrywers. Verdere dank ook aan Privaatskool Elnatan, Windhoek Affies en Pro-Ed Akademie wat hul busse beskikbaar gestel het.In die hoërskoolspanne (seunshokkie, meisieshokkie, rugby, netbal) is geen graad 12-leerder gekies nie, omdat die toer later in die jaar sou wees en dit moontlik met hul akademie sou inmeng, dus moes die o.17’s hul man staan teen eerste spanne in Suid-Afrika. Die laerskoolgroep is verteenwoordig deur ’n o.13 rugby- en netbalspan wat ook teen die bestes aan daardie kant moes gaan deelneem. Die oefenkamp in Windhoek vanaf Woensdag, 13 tot Sondag, 16 Julie was ’n reuse-sukses en het die spelers en spanbestuur die geleentheid gegee om mekaar te leer ken en wedstrydplanne in te oefen.Nêrens is teruggehou om kinders blootstelling te gee, nie net aan sport nie, maar ook aan sports. Groot dank aan Travel and Sport vir die toerreëlings sowel as Sundown Lodge en HPC Future Africa Campus by die Universiteit van Pretoria vir die verblyf. Die twee afdae tussen wedstryde is uitgehou vir ontspanning die spelers is eers na Sun City vir ’n heerlike dag by Valley of the Waves en op die Vrydag het hulle Gold Reef City in Johannesburg besoek, waar hulle elke moontlike adrenalien-“rush” rit denkbaar gery het. Die skole teen wie meegeding is, is van die voorste sportskole in Suid-Afrika, naamlik Monument, Waterkloof en Noordheuwel. Die uitslae van die wedstryde was as volg:HOKKIESEUNS: Klop Rustenburg 3-0; klop Noordheuwel 5-0; klop Monument 3-2; klop Zwartkop 7-2.HOKKIEMEISIES: Verloor teen Rustenburg 0-1; verloor teen Noordheuwel 0-3; gelykop teen Monument 0-0; verloor teen Zwartkop 0-1.HOËRSKOOL RUGBY: Verloor teen Rustenburg 20-38; klop Monnas Mix 61-10; klop Engeland Toergroep 45-7LAERSKOOL RUGBY: Klop Vastrap 35-5; klop Protearif 45-14; klop Harlequin 50-5.HOËRSKOOL NETBAL: Klop o.17 Rustenburg Hoërskool 34-10; verloor teen o.19 Rustenburg Hoërskool 20-28; verloor teen Noordheuwel 30-50; verloor teen Monnas 35-50; klop Waterkloof 42-38.ONDER 13-NETBAL: Verloor teen Fairview 12-42; klop Protearif 39-2; verloor teen Vastrap 13-17; verloor teen o.14 Waterkloof 17-31.&bull; Namens Napso sê die uitvoerende hoof, mnr. Wouter Niehaus: “Baie groot gelukwensing en dank moet uitgespreek word teenoor die spanbestuur en afrigters wat vir hierdie spanne verantwoordelik was. Nie alleen het hulle hul spanne binne ’n kort tydjie lewenslange vriende gemaak nie, maar hulle het ook reggekry om die spanne in daardie week so te ontwikkel dat dit op die laaste wedstryddag gelyk het of hierdie spelers reeds vir jare in spanverband saamspeel. “Ons bedank ook al die ouers en borge wat ons hande gevat het om die toer moontlik te maak, sowel as elkeen wat al vir jare hard gewerk het om hierdie ’n jaarlikse instelling te maak, vir soveel vertroue, geloof en deursettingsvermoë, dit was alles absoluut die moeite werd. “Die Napso-spelers en beamptes het baie respek in Suid-Afrika gaan verdien en ons is oorstroom met vriendskappe en uitnodigings vir die toekoms. Elke speler wat op die toer het nie net op die veld ons geweldig trots gemaak nie, maar ook van die veld af, waar telkemale met lof gepraat is van ons kinders se karakter. “Sekere spanne het selfs sonder graad 12’s ’n ongelooflike week gehad. Die hokkieseuns en o.13-rugby het onoorwonne teruggekeer Namibië toe, nadat hul met van die beste skole in SA afgereken het.”

Napso hoogs tevrede met toeruitslae in RSA

Kommentaar

Republikein 2022-08-10

Meld asseblief aan om kommentaar te lewer

Napso hoogs tevrede met toeruitslae in RSA

Kommentaar

Republikein 2022-08-10

Meld asseblief aan om kommentaar te lewer

MELD AAN