Nakathila een van vier op wêreldranglyste
Boks
Jeremiah “Low Key” Nakathila (32), Charles “Super Shine” Shinima (30), Sakaria “Desert Storm” Lukas (38) en Fillipus “Energy” Nghitumbwa (26) is tans die enigste vier Namibiese boksers wat op wêreldranglyste verskyn.
Low Key (25 gevegte, 23 gewen, twee verloor, 19 uitklophou) is die Wêreldboksorganisasie (WBO) se gobale superveergewigkampioen. Hy word deur die WBO (10de) en by die Wêreldboksraad (WBC) negende aangewys.
Nakathila het met ’n eenparige puntebeslissing oor 12 rondes teen Shakur Stevenson (25) van die VSA in Las Vegas verloor toe hulle verlede Junie vir die tussentydse WBO-superveergewigtitel in die kryt geklim het.
Stevenson het intussen sy titel twee keer suksesvol teen Jamel Herring van die VSA en Oscar Valdez (31) van Mexiko verdedig. Sy volgende teenstander op 23 September is Robson Conceicao (33) van Brasilië.
Low Key het sedertdien twee baie goeie oorwinnings teen Ndodana Ncube (24) van Zimbabwe in Windhoek en die voormalige wêreldkampioen, Miguel Berchelt (30) van Mexiko, in Las Vegas gehad.
Hy het Ncube in die tweede ronde met ’n tegniese uitklophou gestuit. Vir Berchelt het hy in die sesde ronde met ’n reguitlinker in die gesig getref en sy monskerm met ’n regterhaakhou oor die krytvloer laat trek. Die klok het ’n bebloede Berchelt gered en die skeidsregter het die geveg gestop voor die klok vir sewende ronde kon lui.
Nakathila het aan Republikein gesê: “Ek is gedissiplineerd. Ek is elke oggend vyfuur in die gimnasium en agtuur is ek by die werk. Ná werk oefen ek weer en dan is daar ander verpligtinge wat vir my wag.
“Vir my volgende geveg is my promotor Nestor Tobias aan die onderhandel, dus kan ek nie laat slaplê nie. Ek is superfiks en gereed vir my volgende stap, wat binnekort gaan wees.”
Low Key hoop om vanjaar onder die topvyf vegters op die WBO- en WBC-wêreldranglyste te vorder. Dan kan hy sy oog met ’n uitdungeveg op die wêreldkroon vestig.
Die onbetwiste liggewigwêreldkampioen van die WBC, WBA, IBF en WBO is die 23-jarige Devin Haney van die VSA wat die titels van die vier groot beheerliggame hou.
In die topvyf is egter gesoute vegters soos Vasiliy Lomachenko (34), Ryan Garcia (23), George Kambosos (29), Isaac Cruz (24), Zaur Abdullaev (28), Denys Berinchyk (34) en Angel Fierro (23).
• Die WBC-ranglys vir liggewigte (61.23 kg): Kampioen Haney, 1 Lomachenko (Ukraïne), 2 Garcia (VSA), 3 Cruz (Mexiko), 4 Kambosos (Australië), 5 Abdullaev (Rusland), 10 Nakathila.
By die WBO (kampioen Haney) is Nakathila negende, ná 1 Lomachenko, 2 Berinchyk (Ukraïne), 3 Cruz, 4 Fierro (Mexiko).
• Shinima (14-14, 10 KO’s) is die WBO se Afrika-weltergewigkampioen (66.67 kg). Voor sy 14de posisie op die WBO-ranglys is hul kampioen Terence Crawford, en die aanspraakmakers 1 Vergil Ortiz, 2 Jaron Ennis, 3 Keith Thurman, 4 Conor Benn, 5 Michael McKinson.
• Lukas (27-25-1-1, 17 KO’s) het in Januarie teen Tugstsogt Nyambayar (30) van Mongolië gelykop geboks in Atlantic City.
In sy veergewigklas reken die WBA hom in die 14de plek, ná die titelhouer Leo Santa Cruz, 1 Thomas Patrick Ward, 2 Otabek Kholmatov, 3 Anselmo Moreno, 4 Michael Conlan, 5 Luis Nunez.
• Nghitumbwa (11-10-1, 10 KO’s) is die WBO se globale superkapokgewigkampioen. As junior veergewig reken die WBO hom tans as die 15de aanspraakmaker ná die kampioen Stephen Fulton.
Low Key (25 gevegte, 23 gewen, twee verloor, 19 uitklophou) is die Wêreldboksorganisasie (WBO) se gobale superveergewigkampioen. Hy word deur die WBO (10de) en by die Wêreldboksraad (WBC) negende aangewys.
Nakathila het met ’n eenparige puntebeslissing oor 12 rondes teen Shakur Stevenson (25) van die VSA in Las Vegas verloor toe hulle verlede Junie vir die tussentydse WBO-superveergewigtitel in die kryt geklim het.
Stevenson het intussen sy titel twee keer suksesvol teen Jamel Herring van die VSA en Oscar Valdez (31) van Mexiko verdedig. Sy volgende teenstander op 23 September is Robson Conceicao (33) van Brasilië.
Low Key het sedertdien twee baie goeie oorwinnings teen Ndodana Ncube (24) van Zimbabwe in Windhoek en die voormalige wêreldkampioen, Miguel Berchelt (30) van Mexiko, in Las Vegas gehad.
Hy het Ncube in die tweede ronde met ’n tegniese uitklophou gestuit. Vir Berchelt het hy in die sesde ronde met ’n reguitlinker in die gesig getref en sy monskerm met ’n regterhaakhou oor die krytvloer laat trek. Die klok het ’n bebloede Berchelt gered en die skeidsregter het die geveg gestop voor die klok vir sewende ronde kon lui.
Nakathila het aan Republikein gesê: “Ek is gedissiplineerd. Ek is elke oggend vyfuur in die gimnasium en agtuur is ek by die werk. Ná werk oefen ek weer en dan is daar ander verpligtinge wat vir my wag.
“Vir my volgende geveg is my promotor Nestor Tobias aan die onderhandel, dus kan ek nie laat slaplê nie. Ek is superfiks en gereed vir my volgende stap, wat binnekort gaan wees.”
Low Key hoop om vanjaar onder die topvyf vegters op die WBO- en WBC-wêreldranglyste te vorder. Dan kan hy sy oog met ’n uitdungeveg op die wêreldkroon vestig.
Die onbetwiste liggewigwêreldkampioen van die WBC, WBA, IBF en WBO is die 23-jarige Devin Haney van die VSA wat die titels van die vier groot beheerliggame hou.
In die topvyf is egter gesoute vegters soos Vasiliy Lomachenko (34), Ryan Garcia (23), George Kambosos (29), Isaac Cruz (24), Zaur Abdullaev (28), Denys Berinchyk (34) en Angel Fierro (23).
• Die WBC-ranglys vir liggewigte (61.23 kg): Kampioen Haney, 1 Lomachenko (Ukraïne), 2 Garcia (VSA), 3 Cruz (Mexiko), 4 Kambosos (Australië), 5 Abdullaev (Rusland), 10 Nakathila.
By die WBO (kampioen Haney) is Nakathila negende, ná 1 Lomachenko, 2 Berinchyk (Ukraïne), 3 Cruz, 4 Fierro (Mexiko).
• Shinima (14-14, 10 KO’s) is die WBO se Afrika-weltergewigkampioen (66.67 kg). Voor sy 14de posisie op die WBO-ranglys is hul kampioen Terence Crawford, en die aanspraakmakers 1 Vergil Ortiz, 2 Jaron Ennis, 3 Keith Thurman, 4 Conor Benn, 5 Michael McKinson.
• Lukas (27-25-1-1, 17 KO’s) het in Januarie teen Tugstsogt Nyambayar (30) van Mongolië gelykop geboks in Atlantic City.
In sy veergewigklas reken die WBA hom in die 14de plek, ná die titelhouer Leo Santa Cruz, 1 Thomas Patrick Ward, 2 Otabek Kholmatov, 3 Anselmo Moreno, 4 Michael Conlan, 5 Luis Nunez.
• Nghitumbwa (11-10-1, 10 KO’s) is die WBO se globale superkapokgewigkampioen. As junior veergewig reken die WBO hom tans as die 15de aanspraakmaker ná die kampioen Stephen Fulton.
Kommentaar
Republikein
Geen kommentaar is op hierdie artikel gelaat nie