Myngroep belê in program vir minder gegoedes

Die myngroep Deep Yellow Limited en sy filiaal Reptile Mineral Resources and Exploration (RMR) het ’n skenking van sporttoerusting aan die GameChangers-program by die MTC Dome in Swakopmund aangekondig. Die program dra by om gemarginaliseerde kinders deur spansporte te bemagtig, dissipline tuis te bring en vertroue te kweek.Onder leiding van toegewyde sportafrigters kry kwesbare kinders en jeugdiges die geleentheid om twee keer per week aan sokker- en netbalsessies deel te neem. Die transformerende krag van sport as ’n hulpmiddel vir persoonlike ontwikkeling word aan die jong individue bekendgestel. Parallel met die sportafrigting loop mentorskap- en jeug-entrepreneursprogramme, wat hulle met waardevolle vaardighede en kennis toerus.Die skenking, ter waarde van N$25 000, sluit sokker- en netbalklerasie sowel as balle in. RMR-verteenwoordigers, asook GameChangers-afrigters, was by die geleentheid teenwoordig. Chantel Raymond, die GameChanger-koördineerder, en Fanus Engelbrecht, uitvoerende hoof van MTC Dome, het hul dankbaarheid uitgespreek vir die ruim skenking tot voordeel van al die betrokke kinders.Engelbrecht sê: “Dié toerusting sal ons in staat stel om die lewens van vele kinders te verander, terwyl hulle toegang bied tot sportgeleenthede wat hulle andersins nie sou gehad het nie.”RMR bly verbind tot die bevordering van sportontwikkeling in Namibië en soek aktief na nuwe maniere om ’n positiewe impak op die gemeenskap te maak. Die inisiatief is bloot een van vele wat RMR onderneem het om dié oorkoepelende doelwit te bereik.

Myngroep belê in program vir minder gegoedes

Kommentaar

Republikein 2025-06-17

Meld asseblief aan om kommentaar te lewer

Myngroep belê in program vir minder gegoedes

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie