Meroro beweeg nader aan ’n soort rekord

Die 37-jarige Namibiër Vikapita Meroro is bestem om in die hoofgeveg betrokke te wees wanneer hy môreaand in Albanië se hoofstad Tirana teen die gasheerland se Nelson Hysa deur die kryttoue klim.’n Betreklik minderwaardige kampioengordel sal tussen die twee veterane op die spel staan – met Hysa (38) selfs ’n jaar ouer as sy Afrika-dansmaat om oor agt rondes die nuwe houer van die vakante “internasionale” swaargewigtitel van die Universele Boksorganisasie (UBO) te bepaal.Meroro was in sy jonger en beter dae die WBO Afrika-titelhouer as ligswaargewig (maksimum 79.4 kg) in 2010 en 2011 en drie jaar later ook kortstondig in die junior swaargewigklas (tot 90.7 kg).Nadat Meroro reeds in 2005 die professionele bokskryt betree het, het hy hom opgewerk om afsprake in die buiteland met gerekende vegters soos Juergen Braehmer van Duitsland, Briamah Kamoko van Ghana, Isaac Chilemba van Tanzanië van Malawi, Dmitri Koedriashof en Maxim Wlasof van Rusland en Kevin Lerena van Suid-Afrika te beklink.In geen van dié gevalle kon die Namibiër egter die trap na die wêreldvlak bestyg nie. En vir bykans die laaste dekade is Meroro net ’n skaduwee van die vegter wat hy eens was. Hoewel hy van sy laaste string gevegte net een uit ses, twee uit tien en drie uit 14 kon wen, het hy steeds aktief gebly om meestal in Oos-Europese lande as ’n ingevoerde opponent (in sommige gevalle, ’n slaansak) vir die bestemde gunstelinge beskikbaar te wees. Met sy kondisionering ook nie meer van die beste nie, word sy verskynings in die kryt die afgelope jare meestal deur sy landgenote gekritiseer.Die Albaniër Nelson Hysa het sover net ses beroepsgevegte agter die blad, maar het elkeen gewen (vier met uitklophoue) teen betreklik ervare opponente. As amateur het hy minder sukses beleef, hoewel sy paaie onder meer met die gedugte Bulgaar Kubrat Pulev gekruis het.AANTAL GEVEGTE’n Moontlike nasionale rekord kan eersdaags in Meroro se visier wees – hoewel sy loopbaan nie dieselfde hoogtes as die betrokke landgenoot bereik het nie.Met môreaand se geveg in Albanië beweeg Meroro (30 gewen, 15 verloor) nader aan die uitgetrede voormalige WBA liggewigwêreldkampioen Paulus (Hitman) Moses se totale aantal beroepsgevegte.Moses (40 gewen, 7 verloor) se aantal oorwinnings in die geldkryt sal egter nog vir vele jare buite die bereik van enige landgenoot bly.Bethuel (Tyson) Ushona (36-10) en die gewese wêreldtitelhouers Harry Simon Senior (31-0), Paulus Ambunda (27-3) en Julius Indongo (24-7) is reeds uitgetree en die steeds aktiewe Jeremiah Nakathila (23-2) is op 33-jarige leeftyd goed op koers om sy voet in die deur vir ’n wêreldtitelgeveg te kry.&bull; Die wêreldrekord vir meeste beroepsgevegte: Len Wickwar (Brittanje, meestal liggewig), 473 gevegte van 1928 tot 1947, met 340 oorwinnings en 94 uitklophoue.

Meroro beweeg nader aan ’n soort rekord

Kommentaar

Republikein 2026-09-18

Meld asseblief aan om kommentaar te lewer

Meroro beweeg nader aan ’n soort rekord

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.