Mark jaag nou net vir pret
Motocross
Die gevestigde name in die Ope klas het sake by die Gallina-baan oorheers.
Die derde been van die nasionale motocross-kampioenskap is die afgelope naweek met groot sukses by die Gallina MX-park noord van Windhoek afgehandel.
Mark Sternagel het vir die eerste keer in vanjaar se kampioenskap in die Ope-klas deelgeneem en uitstekend gevaar. Sternagel was verskeie kere die nasionale Ope-kampioen.
Sternagel het goed gejaag en het ’n eerste plek in beide die Ope-klas en die King of the Dirt-resies opgeraap. Hoewel die 27-jarige ryer onlangs sy uittrede uit dié opwindende sport aangekondig het, lyk dit of daar geen keer aan die spoedvraat is nie.
Mark sê hy het geen vasgestelde planne of doelwitte vir 2023 nie en sal deelneem as dit by sy werk en gesondheid pas.
“As ek die dag voor ’n kompetisie goed voel, sal ek gaan jaag; as ek nie so voel nie, sal ek nie. Al hoekom ek nou nog ry, is om dit te geniet. Daar is geen druk van borge nie, so ek is vry om te doen soos ek lus het,” het Sternagel verduidelik.
’n Nuwe toevoeging tot die MX-toneel en Ope-klas is die veteraan, Uwe Sternagel (36), wat 16 jaar laas motocross gejaag het. Uwe sê hy is van plan om vir die res van die 2023-seisoen sy merk te maak.
Die verdedigende nasionale Ope-kampioen van 2022, Don-Ray Botha, het goed gevaar en algeheel derde geëindig. Botha het onlangs chirurgiese materiaal uit sy skouer van ’n vorige operasie laat haal en was nie op sy heel beste nie.
Van die voorste uitslae:
King of the Dirt: 1 Mark Sternagel, 2 Uwe Sternagel, 3 Don-Ray Botha.
Ope-klas: 1 Mark Sternagel, 2 Uwe Sternagel, 3 Don-Ray Botha.
Veterane: 1 Sigi Pack, 2 Heiko Stranghöner, 3 Olaf Pack.
Klubmans: 1 JC le Roux, 2 Heinrich Simon, 3 Tony Viljoen.
Vroue: 1 Zoe Waldschmidt, 2 Ronja Friederich, 3 Aneke Lee.
125 cc junior: 1 Bjorn Kebbel, 2 Gero Friederich, 3 Jarno Metzger.
85 cc: 1 Juan de Vos, 2 Marco Lindemeier, 3 Leander Metzger.
65 cc: 1 Patrick Geiger, 2 Connor Bouwer, 3 Felix Wittreich.
50 cc senior: 1 Oliver Mathews, 2 Duhan Steenkamp, 3 Markus Pack.
50 cc junior: Mason Meyer.
– [email protected]
Mark Sternagel het vir die eerste keer in vanjaar se kampioenskap in die Ope-klas deelgeneem en uitstekend gevaar. Sternagel was verskeie kere die nasionale Ope-kampioen.
Sternagel het goed gejaag en het ’n eerste plek in beide die Ope-klas en die King of the Dirt-resies opgeraap. Hoewel die 27-jarige ryer onlangs sy uittrede uit dié opwindende sport aangekondig het, lyk dit of daar geen keer aan die spoedvraat is nie.
Mark sê hy het geen vasgestelde planne of doelwitte vir 2023 nie en sal deelneem as dit by sy werk en gesondheid pas.
“As ek die dag voor ’n kompetisie goed voel, sal ek gaan jaag; as ek nie so voel nie, sal ek nie. Al hoekom ek nou nog ry, is om dit te geniet. Daar is geen druk van borge nie, so ek is vry om te doen soos ek lus het,” het Sternagel verduidelik.
’n Nuwe toevoeging tot die MX-toneel en Ope-klas is die veteraan, Uwe Sternagel (36), wat 16 jaar laas motocross gejaag het. Uwe sê hy is van plan om vir die res van die 2023-seisoen sy merk te maak.
Die verdedigende nasionale Ope-kampioen van 2022, Don-Ray Botha, het goed gevaar en algeheel derde geëindig. Botha het onlangs chirurgiese materiaal uit sy skouer van ’n vorige operasie laat haal en was nie op sy heel beste nie.
Van die voorste uitslae:
King of the Dirt: 1 Mark Sternagel, 2 Uwe Sternagel, 3 Don-Ray Botha.
Ope-klas: 1 Mark Sternagel, 2 Uwe Sternagel, 3 Don-Ray Botha.
Veterane: 1 Sigi Pack, 2 Heiko Stranghöner, 3 Olaf Pack.
Klubmans: 1 JC le Roux, 2 Heinrich Simon, 3 Tony Viljoen.
Vroue: 1 Zoe Waldschmidt, 2 Ronja Friederich, 3 Aneke Lee.
125 cc junior: 1 Bjorn Kebbel, 2 Gero Friederich, 3 Jarno Metzger.
85 cc: 1 Juan de Vos, 2 Marco Lindemeier, 3 Leander Metzger.
65 cc: 1 Patrick Geiger, 2 Connor Bouwer, 3 Felix Wittreich.
50 cc senior: 1 Oliver Mathews, 2 Duhan Steenkamp, 3 Markus Pack.
50 cc junior: Mason Meyer.
– [email protected]
Kommentaar
Republikein
Geen kommentaar is op hierdie artikel gelaat nie