Low Key vol vertroue in slypwerk teen Berchelt
Boks
Vir die tweede keer in nege maande wag ’n groot geveg in Las Vegas op Jeremiah “Low Key” Nakathila, wat op 26 Maart in die dobbelstad en mekka van wêreldboks deur die toue klim.
Die Namibiër, tevore die Afrika- en globale superveergewigkampioen van die Wêreldboksorganisasie (WBO), durf Miguel Berchelt, die voormalige WBC-superveergewigwêreldkampioen van Mexiko, oor 12 rondes aan.
Beide vegters het intussen met een gewigsklas opgeskuif om mekaar nou as liggewigte (61.2 kg) te takel.
Nakathila (32) se eerste probeerslag in Las Vegas verlede Junie teen Shakur Stevenson (VSA) was ’n groot leerskool vir die Namibiër. Hy en die Amerikaner het toe vir die WBO se tussentydse wêreldsuperveergewigtitel in die kryt geklim.
Low Key moes egter in ’n eenparige puntebeslissing oor 12 rondes die aftog blaas. Hy het in die vierde ronde vir die eerste keer in sy loopbaan op die krytvloer beland, maar het enduit geveg, hoewel hy selde gesag kon afdwing teen Stevenson se ontwykende benadering. Al drie tellinghouers het die geveg met 120-107 aan die Amerikaner toegeken.
Stevenson het intussen die WBO-superveergewigwêreldtitel teen Jamel Herring van die VSA gebuit. Hy en Valdez sal einde April bepaal wie beide die WBO- en WBC-superveergewigwêreldkampioen gaan wees.
Nakathila (22-2, 18 uitklophoue) word tans deur die WBO as die 12de beste superveergewig op sy wêreldranglys aangewys. Berchelt is die vyfde beste liggewig volgens die WBC.
Low Key het gister op ’n nuuskonferensie gesê hy het die afgelope tyd onder meer teen skermmaats soos Philipus (Energy) Nghitumbwa en selfs die veel swaarder WBO Afrika supermiddelgewigkampioen Paulinus (John John) Ndjolonimus (76 kg) vuiste geruil het.
“Dis ’n groot geveg vir my en ek sal my hemp uittrek sodat julle kan sien hoe goed ek vir die geveg voorberei is. Baie dankie aan al my skermmaats wat my help voorberei het.
“Ek is hard deur die afrigters gedruk en ek is gereed om die gees van Namibië in die VSA uit te beeld. Hopelik sal ek die keer in die ander kant van die uitslag wees.
“Baie dankie aan my promotor Nestor Tobias wat die geveg gereël het. Dit het nie per toeval gebeur nie, maar deur my harde werk om op internasionale vlak te kom en te bly.
“Ons het Berchelt se styl bestudeer en hy is nie dieselfde tipe bokser as Stevenson nie. Hy is ’n meer ortodokse vegter en ek sal gemakliker teen hom wees.”
Nakathila vertrek op 19 Maart na Las Vegas.
DIE OPPONENT
Berchelt se vegnaam is El Alacran (die Skerpioen) en hy tel nie verniet onder die lang lys vegkampioene van sy land nie.
Hy het sy wêreldtitel op 28 Februarie 2017 teen sy landgenoot Francisco Vargas in Palm Springs, Florida, met ’n uitklophou in die vierde ronde gewen.
Berchelt het sy kampioengordel van 2017 tot November 2019 ses keer suksesvol verdedig. In dié tydperk het hy Takashi Miura (Japan), Maxwell Awuku (Ghana), Jonathan Victor Barros (Argentinië), Miguel Roman (Mexiko), Vargas en Jason Sosa (VSA) op ’n streep geklop.
Sy uitstappie laasjaar Februarie teen sy landgenoot, Oscar Valdez, het egter rampspoedig verloop. Valdez het hom in die vierde en negende rondes platgeslaan en in die tiende ronde vir oulaas vir die wêreldkroon gebêre.
Oor twee naweke wag sy eerste geveg sedert Valdez hom verinneweer het.
Berchelt kan met 38 oorwinnings uit 40 gevegte spog waarvan hy 34 (85 persent) met uitklophoue gewen het. Afgesien van Valdez was Luis Eduardo Florez van Colombia in 2014 die enigste ander man wat hom kon uitslaan.
Die Namibiër, tevore die Afrika- en globale superveergewigkampioen van die Wêreldboksorganisasie (WBO), durf Miguel Berchelt, die voormalige WBC-superveergewigwêreldkampioen van Mexiko, oor 12 rondes aan.
Beide vegters het intussen met een gewigsklas opgeskuif om mekaar nou as liggewigte (61.2 kg) te takel.
Nakathila (32) se eerste probeerslag in Las Vegas verlede Junie teen Shakur Stevenson (VSA) was ’n groot leerskool vir die Namibiër. Hy en die Amerikaner het toe vir die WBO se tussentydse wêreldsuperveergewigtitel in die kryt geklim.
Low Key moes egter in ’n eenparige puntebeslissing oor 12 rondes die aftog blaas. Hy het in die vierde ronde vir die eerste keer in sy loopbaan op die krytvloer beland, maar het enduit geveg, hoewel hy selde gesag kon afdwing teen Stevenson se ontwykende benadering. Al drie tellinghouers het die geveg met 120-107 aan die Amerikaner toegeken.
Stevenson het intussen die WBO-superveergewigwêreldtitel teen Jamel Herring van die VSA gebuit. Hy en Valdez sal einde April bepaal wie beide die WBO- en WBC-superveergewigwêreldkampioen gaan wees.
Nakathila (22-2, 18 uitklophoue) word tans deur die WBO as die 12de beste superveergewig op sy wêreldranglys aangewys. Berchelt is die vyfde beste liggewig volgens die WBC.
Low Key het gister op ’n nuuskonferensie gesê hy het die afgelope tyd onder meer teen skermmaats soos Philipus (Energy) Nghitumbwa en selfs die veel swaarder WBO Afrika supermiddelgewigkampioen Paulinus (John John) Ndjolonimus (76 kg) vuiste geruil het.
“Dis ’n groot geveg vir my en ek sal my hemp uittrek sodat julle kan sien hoe goed ek vir die geveg voorberei is. Baie dankie aan al my skermmaats wat my help voorberei het.
“Ek is hard deur die afrigters gedruk en ek is gereed om die gees van Namibië in die VSA uit te beeld. Hopelik sal ek die keer in die ander kant van die uitslag wees.
“Baie dankie aan my promotor Nestor Tobias wat die geveg gereël het. Dit het nie per toeval gebeur nie, maar deur my harde werk om op internasionale vlak te kom en te bly.
“Ons het Berchelt se styl bestudeer en hy is nie dieselfde tipe bokser as Stevenson nie. Hy is ’n meer ortodokse vegter en ek sal gemakliker teen hom wees.”
Nakathila vertrek op 19 Maart na Las Vegas.
DIE OPPONENT
Berchelt se vegnaam is El Alacran (die Skerpioen) en hy tel nie verniet onder die lang lys vegkampioene van sy land nie.
Hy het sy wêreldtitel op 28 Februarie 2017 teen sy landgenoot Francisco Vargas in Palm Springs, Florida, met ’n uitklophou in die vierde ronde gewen.
Berchelt het sy kampioengordel van 2017 tot November 2019 ses keer suksesvol verdedig. In dié tydperk het hy Takashi Miura (Japan), Maxwell Awuku (Ghana), Jonathan Victor Barros (Argentinië), Miguel Roman (Mexiko), Vargas en Jason Sosa (VSA) op ’n streep geklop.
Sy uitstappie laasjaar Februarie teen sy landgenoot, Oscar Valdez, het egter rampspoedig verloop. Valdez het hom in die vierde en negende rondes platgeslaan en in die tiende ronde vir oulaas vir die wêreldkroon gebêre.
Oor twee naweke wag sy eerste geveg sedert Valdez hom verinneweer het.
Berchelt kan met 38 oorwinnings uit 40 gevegte spog waarvan hy 34 (85 persent) met uitklophoue gewen het. Afgesien van Valdez was Luis Eduardo Florez van Colombia in 2014 die enigste ander man wat hom kon uitslaan.
Kommentaar
Republikein
Geen kommentaar is op hierdie artikel gelaat nie