Langbad wink ook vir para-swemmers
Swem
Vir die eerste keer in die geskiedenis sal vier fisiek gestremde swemmers aan die Bank Windhoek nasionale langbadkampioenskap deelneem wat gister in Olympia begin het en tot Sondag duur.
Altesame 184 atlete van ses klubs en die Namibiese Nasionale Paralimpiese Komitee sal in 1 628 items die water laat spat.
Die vier swemmers is die 29-jarige Mateus Angula, Caitlin Botha (26), Jerome Rooi (18) en Namasiku van der Linden (15).
Angula is ’n bekwame swemmer wat sy eerste medalje in 2018 by die Kenia Nasionale Paralimpiese Komitee se nasionale ope en para-kampioenskap gewen het. Hy het Namibië internasionaal by die 2017 Wêreld Para-swemkampioenskap in Mexiko, asook later in Brittanje (2019) en Portugal verteenwoordig.
Botha het in 2016 begin swem en aan streekskompetisies deelgeneem. Sy werk as assistent by die Dolphins-swemklub. Sy sal vanjaar in Europa geherklassifiseer word aangesien daar geen klassifikasie-byeenkomste vir para-swemmers in Afrika is nie.
Rooi en Van der Linden is beide nuut in swem en sal vanjaar geklassifiseer word. Klassifikasie sal hulle in staat stel om by streeksbyeenkomste en internasionaal mee te ding. Hulle het in 2022 aan die Namibiese Swemfederasie se nasionale kortbadkampioenskap in Swakopmund deelgeneem. Hul eerste langbadkampioenskap is egter dié naweek.
Die viertal is met reg opgewonde en gereed om hul staal by die Olympia-swembad te wys. Hulle sien uit na die steun van die publiek. Toegang tot die geleentheid is gratis.
Altesame 184 atlete van ses klubs en die Namibiese Nasionale Paralimpiese Komitee sal in 1 628 items die water laat spat.
Die vier swemmers is die 29-jarige Mateus Angula, Caitlin Botha (26), Jerome Rooi (18) en Namasiku van der Linden (15).
Angula is ’n bekwame swemmer wat sy eerste medalje in 2018 by die Kenia Nasionale Paralimpiese Komitee se nasionale ope en para-kampioenskap gewen het. Hy het Namibië internasionaal by die 2017 Wêreld Para-swemkampioenskap in Mexiko, asook later in Brittanje (2019) en Portugal verteenwoordig.
Botha het in 2016 begin swem en aan streekskompetisies deelgeneem. Sy werk as assistent by die Dolphins-swemklub. Sy sal vanjaar in Europa geherklassifiseer word aangesien daar geen klassifikasie-byeenkomste vir para-swemmers in Afrika is nie.
Rooi en Van der Linden is beide nuut in swem en sal vanjaar geklassifiseer word. Klassifikasie sal hulle in staat stel om by streeksbyeenkomste en internasionaal mee te ding. Hulle het in 2022 aan die Namibiese Swemfederasie se nasionale kortbadkampioenskap in Swakopmund deelgeneem. Hul eerste langbadkampioenskap is egter dié naweek.
Die viertal is met reg opgewonde en gereed om hul staal by die Olympia-swembad te wys. Hulle sien uit na die steun van die publiek. Toegang tot die geleentheid is gratis.
Kommentaar
Republikein
Geen kommentaar is op hierdie artikel gelaat nie