Kamikaze vier drie dekades

Drie dekades gelede begin 'n groep seuns in die strate van Windhoek te roskaats. Hulle word egter deur die polisie verjaag en besluit om die strate te verruil vir sale soos dié by die Sport Klub Windhoek (SKW) waar hulle toegelaat is om te skaats. “Uiteindelik het hokkiestokke in die prentjie gekom, en so het ons inlynhokkie in Namibië begin en die Kamikaze-inlynhokkieklub gestig,” onthou Mario Katzur wat vandag nog 'n aktiewe lid is.Destyds was mense dit eens dat inlynhokkie nooit in Namibië aftrek sou kry nie, maar van 4 tot 7 September vier die trotse klub sy 30ste bestaansjaar met ‘n laat-ontbyt tydens hul jaarlikse inlynhokkietoernooi. Benewens opwindende speletjies, sal die musikant American Rick optree en natuurlik sal daar koek en 'n heildronk wees om die geleentheid te vier.Die sport se groei is selfs op die internasionale verhoog duidelik en vanjaar het Namibië 'n bronsmedalje by die Wêreldspele in Chengdu gewen. Inlynhokkie bly 'n nis-sport, en die toerusting kan duur wees, maar die gemeenskap ondersteun mekaar sterk. Leke kan toerusting by die klub leen en geleidelik by die spel inskakel.Die Kamikaze-klub plaas groot klem op die jeug en opleiding. Alle ouderdomsgroepe word afgerig deur Luke Stammitiadis, dikwels met die bystand van 'n hulpafrigter. Soms is hierdie assistente internasionale spelers wat hul kundigheid bring, of ervare lede van die Kamikaze-gemeenskap. Elke Vrydag bied die Kamikaze Arena Leer om te skaats-sessies aan, waar kinders en volwassenes van nuuts af kan leer skaats - 'n noodsaaklike vaardigheid, aangesien selfvertroue op skaatse noodsaaklik is om inlynhokkie suksesvol te verstaan en te speel. Die klub bied ook die sessies aan skole aan om leerlinge 'n veilige ruimte bied om die basiese beginsels te bemeester.Vandag het die klub meer as 100 lede. Ten spyte van die suksesse, is daar egter steeds uitdagings, met inlynhokkie wat geen ondersteuning van die regering ontvang nie. Tog hou die passie van die spelers die sport lewendig, ’n teken van die toewyding, gemeenskapsgees en hart wat dit verg om 'n nis-sport in Namibië vir meer as dertig jaar te vestig en te onderhou. Kliek hier: https://q.my.na/EDN5

Kamikaze vier drie dekades

Kommentaar

Republikein 2026-01-30

Meld asseblief aan om kommentaar te lewer

Kamikaze vier drie dekades

Kommentaar

Republikein 2026-01-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.