Junior gholfspan vol hoop

Die Namibiese junior manspan begin vanaf vandag in Kampala, Uganda in die junior Afrika-gholfkampioenskap meeding. Die vierdaagse kompetisie duur tot Donderdag, met elke land se beste drie tellings wat in ag geneem word. Die Namibiërs streef om te verbeter op hul agtste eindposisie in Egipte verlede jaar.Die spankaptein Todd Parker het tydens hul welwillendheidsbesoek aan die Namibiese Sportkommissie gesê hy het vertroue in die ondervinding wat hy en spanlede verlede jaar opgedoen het. Parker het ook gesê sy visier is ingestel om die individuele Afrika-titel te wen wat samelopend met die spankompetisie beslis word. Sy selfvertroue is gegrond op die ondervinding wat hy sedert die begin van die jaar in verskeie internasionale toernooie in Suid-Afrika opgedoen het.Sy spanmaats is Wensley Haseb, Nelson Johannes en Charlie Lohmann. Die groep word vergesel deur Jaco van Reenen (afrigter) en Anri Parker (spanbestuurder). Die toerspan word ondersteun deur Switch Namibia, verskaffer van energiedrankies, wat ook die hoofborg van die Namibiese Junior Gholfstigting is.Op ’n mediavraag het Van Reenen uitgewys dat die Gholfstigting ewe ywerig is om ’n junior vrouespan na die Afrika-kampioenskap te stuur en dat die meisies se vordering in die sentrale en noordestreke belowend lyk.

Junior gholfspan vol hoop

Kommentaar

Republikein 2025-08-04

Meld asseblief aan om kommentaar te lewer

Junior gholfspan vol hoop

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie